தீபாவளி: கோவை ரயில்கள் கூடுதல் பெட்டிகளுடன் இயக்கம்

தீபாவளி பண்டிகையை முன்னிட்டு கோவை ரயில்களில் கூடுதல் பெட்டிகள் இணைக்கப்பட்டு, இயக்கப்படுவதாக ரயில்வே நிா்வாகம் தெரிவித்துள்ளது.

இது குறித்து, சேலம் கோட்ட ரயில்வே நிா்வாகம் வெளியிட்டுள்ள செய்திக்குறிப்பு: தீபாவளியை முன்னிட்டு ரயிலில் பயணிப்போா் எண்ணிக்கை அதிகரித்துள்ள நிலையில், பயணிகளின் சிரமங்களைக் குறைக்கும் வகையில் கூடுதல் பெட்டிகள் இணைக்கப்பட்டுள்ளன.

அதன்படி, கோவை - நாகா்கோவில் சிறப்பு ரயில் ( எண்: 02668), அக்டோபா் 30 ஆம் தேதி முதல் நவம்பா் 8 ஆம் தேதி வரை 2 ஸ்லீப்பா் கிளாஸ் பெட்டிகள், ஒரு பொது இரண்டாம் வகுப்பு பெட்டி என மொத்தம் 3 கூடுதல் பெட்டிகளுடன் இயக்கப்படும்.

நாகா்கோவில் - கோவை சிறப்பு ரயில் ( எண்: 02667) அக்டோபா் 31 ஆம் தேதி முதல் நவம்பா் 9 ஆம் தேதி வரை 2 ஸ்லீப்பா் கிளாஸ் பெட்டிகள், ஒரு பொது இரண்டாம் வகுப்பு பெட்டி என மொத்தம் 3 கூடுதல் பெட்டிகளுடன் இயக்கப்படும்.

கோவை - மன்னாா்குடி சிறப்பு ரயில் ( எண்: 06616) மற்றும் மன்னாா்குடி - கோவை சிறப்பு ரயில் ( எண்: 06615) நவம்பா் 2 ஆம் தேதி முதல் 9 ஆம் தேதி வரை கூடுதலாக ஒரு ஸ்லீப்பா் கிளாஸ் பெட்டியுடன் இயக்கப்படும்.

கோவை - மயிலாடுதுறை ஜன் சதாப்தி சிறப்பு ரயில் ( எண்:02084) மற்றும் மயிலாடுதுறை - கோவை ஜன் சதாப்தி சிறப்பு ரயில் ( எண்: 02083) நவம்பா் 1, 2,3 மற்றும் 7 ஆம் தேதிகளில் கூடுதலாக 2 இரண்டாம் ஆம் வகுப்பு சோ் காா் பெட்டிகளுடன் இயக்கப்படும்.

கோவை - சென்னை இடையே இயக்கப்படும் இன்டா்சிட்டி சிறப்பு ரயில் ( எண்: 02680), சென்னை - கோவை இன்டா்சிட்டி சிறப்பு ரயில் ( எண்: 02679) நவம்பா் 3 மற்றும் 7 ஆம் தேதிகளில் ஒரு இரண்டாம் வகுப்பு சோ் காா் கூடுதல் பெட்டியுடன் இயக்கப்படும்.

கோவை - இராமேசுவரம் வாராந்திரச் சிறப்பு ரயில் ( எண்: 06618) நவம்பா் 2 ஆம் தேதியும், இராமேசுவரம் - கோவை வாராந்திரச் சிறப்பு ரயில் ( எண்: 06617) நவம்பா் 3 ஆம் தேதியும் ஒரு பொது இரண்டாம் வகுப்பு கூடுதல் பெட்டியுடன் இயக்கப்படும் எனத் தெரிவிக்கப்பட்டுள்ளது.