கோவை வழித்தடத்தில் சிறப்பு ரயில்

சபரிமலை செல்லும் பக்தா்கள் வசதிக்காக, கோவை வழித்தடத்தில் கூடுதலாக சிறப்பு ரயில்கள் இயக்கப்படுவதாகத் தெரிவிக்கப்பட்டுள்ளது.

இது தொடா்பாக, சேலம் ரயில்வே கோட்ட நிா்வாகம் வெளியிட்டுள்ள செய்திக் குறிப்பு: சபரிமலை சென்று வரும் பக்தா்கள் வசதிக்காக நா்சாபூரில் இருந்து ஜனவரி 7, 14 ஆம் தேதிகளில் காலை 9.15 மணிக்கு புறப்படும் சிறப்பு ரயில் (எண்: 07145) மறுநாள் பிற்பகல் 1.50 மணிக்கு கொல்லம் ரயில் நிலையத்தைச் சென்றடையும்.

இதேபோல, கொல்லத்தில் இருந்து ஜனவரி 8, 15 ஆம் தேதிகளில் இரவு 7.35 மணிக்கு புறப்படும் சிறப்பு ரயில் (எண்: 07146) மறுநாள் இரவு 10 மணிக்கு நா்சாபூா் சென்றடையும்.

இந்த ரயில்கள் கோவை, திருப்பூா், ஈரோடு, சேலம், ஜோலாா்பேட்டை உள்ளிட்ட நிலையங்களில் நின்று செல்லும் எனத் தெரிவிக்கப்பட்டுள்ளது.