ஒவ்வொரு அரிசி குடும்ப அட்டைதாரர்களுக்கு விலையில்லா குளிர்சாதனப் பெட்டி : அதிமுக வாக்குறுதிவங்கிகளில் பெற்ற கல்விக் கடன் தள்ளுபடி செய்யப்படும்: அதிமுக தேர்தல் வாக்குறுதிபெண்களைப் போல ஆண்களும் நகரப் பேருந்துகளில் இலவசமாகப் பயணிக்கலாம் : அதிமுக வாக்குறுதிஅதிமுக தேர்தல் அறிக்கை வெளியானதுஎல்என்ஜி தட்டுப்பாடு எதிரொலி: ஆசிய நாடுகளில் நிலக்கரி பயன்பாடு அதிகரிப்பு! ஈரானில் தொடரும் தாக்குதல்கள்... பலி 1,500-ஐ கடந்தது!மேற்காசியப் போர்: தில்லியில் நாளை(மார்ச் 25) அனைத்துக் கட்சிக் கூட்டம்!புதுச்சேரி திமுக வேட்பாளர்கள் அறிவிப்பு!ஹிந்து, பெளத்தம், சீக்கியருக்கு மட்டுமே எஸ்.சி. அந்தஸ்து! உச்ச நீதிமன்றம் தீர்ப்பு! திமுக கூட்டணியில் விசிகவுக்கு 8 தொகுதிகள் ஒதுக்கீடு!
/

மீன் வளா்ப்பு மானியம் பெற விண்ணப்பிக்கலாம்

மீன் வளா்ப்பு மானியம் பெற விரும்பும் விவசாயிகள் விண்ணப்பிக்கலாம் என்று விழுப்புரம் மாவட்ட ஆட்சியா் த.மோகன் தெரிவித்தாா்.

News image
Updated On :3 செப்டம்பர் 2022, 6:30 pm

DIN

மீன் வளா்ப்பு மானியம் பெற விரும்பும் விவசாயிகள் விண்ணப்பிக்கலாம் என்று விழுப்புரம் மாவட்ட ஆட்சியா் த.மோகன் தெரிவித்தாா்.

இதுகுறித்து அவா் சனிக்கிழமை வெளியிட்ட செய்திக் குறிப்பு: தமிழ்நாடு அரசு, மீன் வளம் மற்றும் மீனவா் நலத் துறை மூலம் மீன் வளா்ப்பை ஊக்குவிக்கவும், விவசாயிகளின் வருவாயை மூன்று மடங்கு உயா்த்தவும், பொதுமக்களுக்கு மீன் புரதச்சத்தை எளிதில் கிடைக்க வழிவகை செய்யவும் மத்திய, மாநில அரசுகளின் பல்வேறு திட்டங்களை செயல்படுத்தி வருகிறது.

அதன்படி, பிரதமரின் மீன் வள மேம்பாட்டு திட்டம் 2021 - 22ன்படி, பொதுப்பிரிவு விவசாயிகள் 40 சதவீத மானியமும், மகளிா், ஆதிதிராவிடா், பழங்குடியின விவசாயிகள் 60 சதவீத மானியமும் பெறும் வகையில், மீன்வளம் மற்றும் மீனவா் நலத் துறை அமைச்சா் அனிதா ராதாகிருஷ்ணன் சட்டப் பேரவையில் திட்டத்தை அறிவித்திருந்தாா்.

சிறிய அளவிலான மீன் விற்பனை நிலையம் அமைத்து அலங்கார மீன் வளா்ப்புத் திட்ட மானியம், கொல்லைப்புற அலங்கார மீன் வளா்த்தெடுக்கும் திட்டம் (கடல்/நன்னீா்) கீழ், மீன் வளா்ப்பு குளங்கள் அமைத்தல், நன்னீா் மீன் வளா்ப்பு குளங்களுக்கு உள்ளீட்டு மானியம், மீன் குஞ்சு வளா்ப்பு குளங்கள் அமைத்தல், சிறிய அளவிலான பயோபிளாக் குளங்களில் மீன் வளா்ப்பு செய்தலுக்கான மானியம் பெறலாம்.

மேலும், பண்ணைக்குட்டை மீன் வளா்ப்புக்கான உள்ளீட்டு பொருள்களுக்கு 50 சதவீத மானியம் பெறலாம். எனவே, இந்தத் திட்டங்களின்கீழ் பயனடைய விரும்பும் மீன் வளா்ப்பு விவசாயிகள், உதவி இயக்குநா், மீன் வளம் மற்றும் மீனவா் நலத் துறை அலுவலகம், நெ.10 முதல் தளம், நித்யானந்தம் நகா், வழுதரெட்டி, கண்டமானடி அஞ்சல், விழுப்புரம் 605 401 என்ற முகவரியில் தொடா்புகொள்ளலாம். கூடுதல் தகவல் பெற 04146 259 329 என்ற தொலைபேசி எண்ணில் தொடா்புகொள்ளலாம் எனத் தெரிவித்துள்ளாா் ஆட்சியா் மோகன்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.