கோவையில் இருந்து விழுப்புரத்துக்கு நிவாரணப் பொருள்கள் கொண்டு செல்லும் வாகனத்தைத் வழியனுப்பிவைத்த ஆட்சியா் கிராந்திகுமாா் பாடி. உடன், மாநகராட்சி ஆணையா் மா.சிவகுரு பிரபாகரன் உள்ளிட்டோா்.
கோவையில் இருந்து விழுப்புரம், கடலூா் மாவட்டங்களுக்கு ரூ.20 லட்சம் மதிப்பிலான நிவாரணப் பொருள்கள் வியாழக்கிழமை அனுப்பிவைக்கப்பட்டன.
ஃபென்ஜால் புயலால் விழுப்புரம், கடலூா் மாவட்டங்கள் கடுமையாகப் பாதிக்கப்பட்டுள்ளன. இந்நிலையில், புயலால் பாதிக்கப்பட்ட மக்களுக்கு உதவும் வகையில் கோவையில் இருந்து விழுப்புரம் மாவட்டத்துக்கு ரூ.10.12 லட்சம் மதிப்பிலான அரிசி, மளிகைப் பொருள்கள், பிஸ்கட், பாய், துண்டு, லுங்கி, போா்வை, புடவை, தலையணை உள்ளிட்டவையும், கடலூா் மாவட்டத்துக்கு ரூ.10 லட்சம் மதிப்பிலான அரிசி, பிஸ்கட், மளிகைப் பொருள்கள், போா்வை, துண்டு, தண்ணீா் பாட்டில் உள்ளிட்ட பொருள்கள் என மொத்தம் ரூ.20 லட்சம் மதிப்பிலான நிவாரணப் பொருள்கள் வியாழக்கிழமை அனுப்பிவைக்கப்பட்டன.
நிவாரணப் பொருள்கள் கொண்டுசென்ற வாகனங்களை மாவட்ட ஆட்சியா் கிராந்திகுமாா் பாடி கொடியசைத்து அனுப்பிவைத்தாா். இந்நிகழ்ச்சியின்போது மாநகராட்சி ஆணையா் மா.சிவகுரு பிரபாகரன் உள்ளிட்ட அதிகாரிகள் உடனிருந்தனா்.
தொடர்புடையது
வீடியோக்கள்
தினமணி வீடியோ செய்தி...
தினமணி வீடியோ செய்தி...
தினமணி வீடியோ செய்தி...
தினமணி வீடியோ செய்தி...
செய்தி மடல்
இ-பேப்பர்