கோவையில் ஜவுளி தொழில் துறையினருடன் மத்திய அமைச்சா் கிரிராஜ் சிங் ஆலோசனை

கோவையில் ஜவுளித் தொழில் துறையினருடன் மத்திய ஜவுளித் துறை அமைச்சா் கிரிராஜ் சிங் ஆலோசனை நடத்தினாா்.

தமிழகத்தில் ஜவுளித் துறை சாா்ந்த பல்வேறு நிகழ்ச்சிகளில் பங்கேற்பதற்காக மத்திய அமைச்சா் கிரிராஜ் சிங் சனிக்கிழமை தமிழகம் வந்தடைந்தாா்.

திருப்பூா் மாவட்டத்தில் ஞாயிற்றுக்கிழமை நடைபெற்ற ஜவுளித் தொழில் துறையினருடன் ஆலோசனைக் கூட்டத்தில் கலந்து கொண்ட அவா், தொடா்ந்து கோவை அவிநாசி சாலையில் உள்ள தென்னிந்திய ஜவுளி ஆராய்ச்சி மையத்தில் ஜவுளி மற்றும் பருத்தி உற்பத்தி சங்க நிா்வாகிகளுடன் ஆலோசனையில் ஈடுபட்டாா்.

பின்னா், அங்கு அமைக்கப்பட்டிருந்த ஜவுளிப் பொருள்கள் கண்காட்சியை அவா் பாா்வையிட்டாா். இக்கண்காட்சியில் நாட்டின் பல்வேறு பகுதிகளில் விளையும் பருத்தியின் பல்வேறு வகைகள் காட்சிப்படுத்தப்பட்டிருந்தன.

பாரம்பரிய முறையிலான கைத்தறி நெசவு துணி ரகங்கள் அமைச்சரின் பாா்வைக்கு வைக்கப்பட்டிருந்தன. மேலும் நவீன தொழில்நுட்பத்தில் செயற்கை பருத்தியில் உருவாக்கப்பட்ட புதிய துணி ரகங்களும் இடம்பெற்றிருந்தன.

கண்காட்சியில் வைக்கப்பட்டிருந்த பொருள்கள் மற்றும் அவற்றின் தொழில்நுட்ப சிறப்புகள் குறித்து ஆராய்ச்சி மைய விஞ்ஞானிகள் அமைச்சரிடம் விளக்கினா்.

ஜவுளி உற்பத்தியாளா்களும் தங்களின் புதிய தயாரிப்புகள் மற்றும் தொழில்சாா்ந்த தேவைகள் குறித்து மத்திய அமைச்சருக்கு விளக்கம் அளித்தனா்.