ரேஸ்கோா்ஸில் மழைநீா் சேகரிப்பு கட்டமைப்பு பராமரிக்கப்படுவதை உறுதி செய்ய வலியுறுத்தல்

கோவை ரேஸ்கோா்ஸில் மழைநீா் சேகரிப்பு கட்டமைப்புகள் பராமரிக்கப்படுவதை உறுதி செய்ய வேண்டுமென வலியுறுத்தப்பட்டுள்ளது.

இதுகுறித்து ரேஸ்கோா்ஸ் சுற்றுப்புறப் பகுதிகள் அறக்கட்டளையின் நிா்வாக அறங்காவலா் அஸ்வின் காா்த்திக் கூறியதாவது:

கோவை மக்கள் நடைப்பயிற்சி, ஓட்டம், மிதிவண்டி ஓட்டுதல் மற்றும் பிற உடல்நலம் மற்றும் உடற்பயிற்சி நடவடிக்கைகளுக்காக ரேஸ் கோா்ஸை பிரதானமாகப் பயன்படுத்துகின்றனா். ரேஸ்கோா்ஸின் சூழலமைப்பை ஒரு பொழுதுபோக்கு மண்டலமாக மாற்றுவதற்குப் பதிலாக, அது ஒரு உடல்நலம் மற்றும் உடற்பயிற்சிக்கான இடமாகப் பாதுகாக்கப்பட வேண்டும். ரேஸ் கோா்ஸில் பொலிவுறு நகரம் ( ஸ்மாா்ட் சிட்டி) திட்டத்தின் கீழ் மழைநீா் சேகரிப்பு கட்டமைப்புகள் நிறுவப்பட்டுள்ளன. இவற்றுடன், சிறுதுளியால் உருவாக்கப்பட்ட ஓடும் நீரைச் சேகரித்து நிலத்தடி நீரை நிரப்புவதற்கான கட்டமைப்புகளும் உள்ளன.

ரேஸ்கோா்ஸின் சுற்றுச்சூழல் மேம்பாடு, அடிப்படை வசதிகளை அதிகரித்தல் தொடா்பாக, எங்கள் அறக்கட்டளை சாா்பில், செவ்வாய்க்கிழமை மாநகராட்சி ஆணையா் கட்டா ரவிதேஜாவுடன் ஒரு சந்திப்புக்கூட்டம் நடைபெற்றது. அப்போது, அவா் ரேஸ்கோா்ஸில் உள்ள மழைநீா் சேகரிப்பு கட்டமைப்புகள், நிலத்தடி நீரை நிரப்புவதற்கான கட்டமைப்புகளைப் பாா்வையிட்டு அவை பராமரிக்கப்படுவதை உறுதி செய்தாா். அப்போது, ரேஸ்கோா்ஸ் 108 விநாயகா் கோயிலுக்குப் பின்னால் உள்ள வாகன நிறுத்துமிடத்தை பொதுப் பயன்பாட்டுக்கு திறக்க வேண்டும் என்று கோரிக்கை விடுத்தோம். தேவையான நடவடிக்கை விரைவில் எடுக்கப்படும் என்று ஆணையா் உறுதியளித்துள்ளாா்.

ரேஸ்கோா்ஸை சுற்றி நடப்பவா்கள், ஓடுபவா்கள் அல்லது மிதிவண்டி ஓட்டுபவா்களுக்கு இடையூறு செய்யாமல் நாய்களுக்கு உணவளிக்க, பிரத்யேக உணவு மண்டலங்களை உருவாக்க வேண்டும் என்று ரேஸ்கோா்ஸ் குடியிருப்பாளா்கள் கோரிக்கை விடுத்துள்ளனா்.

இதுதொடா்பாக, அப்பகுதியை நேரில் ஆய்வு செய்யுமாறு மிருகக்காட்சி சாலை இயக்குநருக்கு ஆணையா் உத்தரவிட்டாா் என்றாா்.