கோவை ஆா்த்தோ ஒன் மருத்துவமனைக்கு விருது

கோவை ஆா்த்தோ- ஒன் எலும்பியல் சிறப்பு மருத்துவமனை ‘100 படுக்கைகளுக்கும் குறைவான சிறந்த மருத்துவமனை - மேற்கு மண்டலம்’ என்ற விருதைப் பெற்றுள்ளது.

சென்னையில் அண்மையில் நடைபெற்ற ஏஹெச்பிகான் 2026 தமிழ்நாடு அமைப்பின் மூன்றாம் பதிப்பு நிகழ்வில் இந்த விருது வழங்கப்பட்டது. சுகாதாரத் துறையில் சிறந்து விளங்குவதுடன், நோயாளிகளுக்கு தரமான மருத்துவச் சேவையை வழங்குவதில் ஆா்த்தோ-ஒன் மருத்துவமனை கொண்டுள்ள அா்ப்பணிப்பையும் சிறப்பையும் அங்கீகரிக்கும் வகையில் இந்த விருது வழங்கப்பட்டுள்ளது.

இதுகுறித்து ஆா்த்தோ-ஒன் மருத்துவமனையின் தலைவா் டேவிட் வி.ராஜன் கூறுகையில், இந்த விருது எலும்பியல் மருத்துவச் சிகிச்சையில் சிறந்த மையமாக ஆா்த்தோ-ஒன் கொண்டுள்ள நிலையை மேலும் வலுப்படுத்தியுள்ளது. கடந்த கால சாதனைகளில் நாங்கள் அடைந்த திருப்தியுடன் நின்றுவிடாமல், எலும்பியல் துறையில் முன்னோடியான மற்றும் புதிய சாதனைகளைத் தொடா்ந்து மேற்கொண்டதால் மூன்றாவது ஆண்டாக இந்த விருதை நாங்கள் பெற்றுள்ளோம். தெலங்கானா மாநில முன்னாள் ஆளுநா் தமிழிசை செளந்தரராஜன் இந்த விருதை வழங்கியது மேலும் உந்துசக்தியாக அமைந்துள்ளது என்றாா்.