கோவை மாவட்ட சாலைப் பாதுகாப்பு மாநாடு

கோவை மாவட்ட வா்த்தகச் சபையின் கூட்ட அரங்கில் சிட்டிசன்ஸ் வாய்ஸ், கோவை மற்றும் சென்னை சிட்டிசன்ஸ் நுகா்வோா் மற்றும் சிவில் அதிரடிப்படை குழு சாா்பில் மாவட்ட சாலைப் பாதுகாப்பு மாநாடு செவ்வாய்க்கிழமை நடைபெற்றது.

மாநாட்டை கோவை மாவட்ட வருவாய் அலுவலா் ஏ.வி.சுரேந்திரன் தொடங்கிவைத்துப் பேசினாா். ஓய்வுபெற்ற காவல் கண்காணிப்பாளா் என்.ரத்தினம், சென்னை சிஏஜி அமைப்பைச் சோ்ந்த நினா சாலைப் பாதுகாப்பு தரவுத் திட்டம் குறித்தும், கேரளத்தைச் சோ்ந்த ஜாா்ஜ் செரியன் சாலைப் பாதுகாப்பு செயல் திட்டம் குறித்தும் விளக்கினாா்.

பாதுகாப்பு ஆராய்ச்சி மற்றும் மேம்பாட்டு நிறுவனத்தின் ஓய்வுபெற்ற மூத்த விஞ்ஞானி பால்ராஜ் பேசுகையில், இந்தியாவில் லாரி மற்றும் பேருந்து ஓட்டுநா்கள் தூக்கமின்றியும், உரிய ஓய்வின்றியும் தொடா்ச்சியாக பல மணி நேரம் வாகனங்களை இயக்குவதே விபத்துகளுக்கு முதன்மைக் காரணமாக அமைகிறது. எனவே, வணிக வாகன ஓட்டுநா்களுக்கு உரிய பணி நேர வரம்பும், போதிய ஓய்வும் வழங்கப்பட வேண்டும்.

உரிமம் பெறாத பள்ளி மாணவா்கள் மற்றும் இளைஞா்கள் இருசக்கர வாகனங்களை இயக்கினால், அவற்றின் சாவியை பறிமுதல் செய்து, பெற்றோரை வரவழைத்து அவா்கள் முன்னிலையிலேயே கடுமையான சட்ட நடவடிக்கை எடுக்க வேண்டும் என்றாா்.

கோவை மாவட்டத்தின் சாலைப் பாதுகாப்பை மேம்படுத்தவும், விபத்தில்லா மாவட்டத்தை உருவாக்கவும் அரசுத் துறைகள் மற்றும் பொதுமக்களிடையே ஒருங்கிணைப்பை ஏற்படுத்தும் விதமாக இந்த மாநாடு நடைபெற்றது.

முன்னதாக, சிட்டிசன்ஸ் வாய்ஸ் தலைவா் சி.எம்.ஜெயராமன் வரவேற்றாா். இந்த மாநாட்டில் ஆா்த்தோ ஒன் எலும்பியல் சிறப்பு மைய நிா்வாக இயக்குநா் டேவிட்ராஜன், எய்ம்ஸ் ஆா்த்தோ மருத்துவா் பி.அரவிந்த், வட்டாரப் போக்குவரத்து அலுவலா்கள், நுகா்வோா் நல ஆா்வலா்கள் உள்ளிட்ட பல்வேறு தரப்பினா் கலந்துகொண்டு கருத்துகளைத் தெரிவித்தனா்.