அரசு மருத்துவா்களுக்கு மிரட்டல்: தவெக நிா்வாகிகள் மீது வழக்குப் பதிவு

வால்பாறை அரசு மருத்துவமனை மருத்துவா்களுக்கு மிரட்டல் விடுத்ததாக தவெக நகரச் செயலாளா் உள்ளிட்ட நிா்வாகிகள் மீது போலீஸாா் வழக்குப் பதிவு செய்துள்ளனா்.

வால்பாறை அப்பா் பாரளை எஸ்டேட்டில் தொழிலாளியாகப் பணியாற்றி வருபவா் நாகஜோதி. இவரது மகன் திக்ஷிதன் (5)

சிறுத்தை தாக்கியதில் வியாழக்கிழமை படுகாயம் அடைந்தாா். இவருக்கு வால்பாறை அரசு மருத்துவமனையில் முதலுதவி அளிக்கப்பட்டு மேல் சிகிச்சைக்காக கோவை அரசு மருத்துவமனைக்கு அனுப்பி வைக்கப்பட்டாா்.

இந்நிலையில், வால்பாறை தவெக நகரச் செயலாளா் ஆண்ட்ரூஸ் உள்ளிட்ட 20 போ் அரசு மருத்துவமனைக்கு வியாழக்கிழமை இரவு சென்று அங்கு பணியில் இருந்த மருத்துவா்கள் ராஜசேகா், மதுபிரியா ஆகியோரிடம் சிறுவனுக்கு அளிக்கப்பட்ட சிகிச்சை விவரங்கள் குறித்து கேட்டு வாக்குவாதத்தில் ஈடுபட்டுள்ளனா். அப்போது மருத்துவா்களை பணி செய்ய விடாமல் மிரட்டி உள்ளனா்.

இது குறித்து மருத்துவா் ராஜசேகா் அளித்த புகாரின்பேரில் வால்பாறை போலீஸாா் அரசு ஊழியருக்கு மிரட்டல் விடுத்தல் மற்றும் மருத்துவா் பாதுகாப்பு சட்டம் உள்ளிட்ட 6 பிரிவுகளில் வழக்குப் பதிவு செய்து விசாரணை மேற்கொண்டுள்ளனா்.