இலக்கியத்தை இளைஞா்கள் புரிந்து கொள்ள வேண்டும்: நீதிபதி அரங்க. மகாதேவன்

இலக்கியத்தை இளைஞா்கள் புரிந்து கொள்ள வேண்டும் என்று கோவையில் ஞாயிற்றுக்கிழமை நடைபெற்ற கி.ரா.விருது வழங்கும் நிகழ்ச்சியில் உச்சநீதிமன்ற நீதிபதி அரங்க.மகாதேவன் பேசினாா்.

சக்தி மசாலா நிறுவனம், விஜயா பதிப்பகம் சாா்பில் கடந்த 2020- ஆம் ஆண்டு முதல் சிறந்த எழுத்தாளா்களுக்கு கி.ரா.விருது வழங்கப்பட்டு வருகிறது.

அதன்படி, நடப்பு ஆண்டுக்கான விருதுக்கு திருப்பூரைச் சோ்ந்த எழுத்தாளா் எம்.கோபாலகிருஷ்ணன் தோ்ந்தெடுக்கப்பட்டாா். இதையடுத்து, விருது வழங்கும் விழா கோவை, அவிநாசி சாலையில் உள்ள பிஎஸ்ஜி பொறியியல் கல்லூரியில் ஞாயிற்றுக்கிழமை நடைபெற்றது.

இதில், புனிதவதி சிதம்பரம் வரவேற்றாா். சக்தி மசாலா நிறுவனங்களின் நிறுவனா் பி.சி.துரைசாமி தலைமை உரையாற்றினாா். நடிகா் சிவகுமாா் பேசுகையில், ‘தொடக்கத்தில் கி.ரா. விருதுத் தொகை ரூ.1 லட்சமாக இருந்த நிலையில் அண்மைக்காலமாக ரூ.5 லட்சமாக உயா்த்தி வழங்கப்பட்டு வருகிறது. இந்தியாவில் ஒரு எழுத்தாளருக்கு ரூ. 5 லட்சம் விருது வழங்கி கௌரவிக்கப்படுவது அரிதானதாகும். சக்தி மசாலா நிறுவனத்தின் பி.சி.துரைசாமி, சாந்தி துரைசாமி ஆகியோா் பங்களிப்புடன் இது சாத்தியமாகியுள்ளது”என்றாா்.

தொடா்ந்து, எழுத்தாளா் விக்னேஷ் ஹரிஹரன் விருதாளரை அறிமுகம் செய்துவைத்தாா். சக்தி மசாலா நிறுவனங்களின் நிறுவனா் சாந்தி துரைசாமி, எழுத்தாளா் சு.வேணுகோபால் ஆகியோா் வாழ்த்துரை வழங்கினா்.

இதைத்தொடா்ந்து, எழுத்தாளா் எம்.கோபாலகிருஷ்ணனுக்கு கி.ரா.விருது மற்றும் சான்றிதழ், ரூ.5 லட்சத்துக்கான காசோலையை உச்சநீதிமன்ற நீதிபதி அரங்க.மகாதேவன் வழங்கினாா்.

தொடா்ந்து, அவா் பேசுகையில், இலக்கியத்தை இளைஞா்கள் புரிந்து கொள்ள வேண்டும். ஒரு படைப்பு சக மனிதா்களை நேசிக்கவும், மனிதா்களை எப்படி புரிந்து கொள்ள வேண்டும் என்பதையும் நமக்கு போதிக்கிறது. தமிழ் மண் உயிரினங்களை நேசிக்கக்கூடியது, மரங்களை நேசிக்கக் கூடியது, இயற்கையை நேசிக்கக் கூடியது.

பல ஆண்டுகளுக்கு முன்பே எழுத்தாளா் எம்.கோபாலகிருஷ்ணனின் படைப்புகளைப் படித்ததுண்டு. நாவல், கட்டுரை, சிறுகதைகள், மொழிபெயா்ப்புகளில் அவா் தடம் பதித்துள்ளாா். தமிழ் மொழிக்கு உன்னதமாக படைப்புகளைத் தந்துள்ளாா். உண்மையை உண்மைத்தன்மையோடு படைக்கும் அவரது எழுத்துகள் உன்னதம் பெறுகின்றன என்றாா்.

இந்நிகழ்ச்சியில், எழுத்தாளா் நாஞ்சில் நாடன், விஜயா பதிப்பகத்தின் நிா்வாகி சிதம்பரம், தமிழ் ஆா்வலா்கள், வாசகா்கள் உள்ளிட்டோா் கலந்துகொண்டனா். பேச்சாளா் இல.சிவசக்தி வடிவேல் நிகழ்ச்சியைத் தொகுத்து வழங்கினாா்.