தென்னிந்திய பட்டயக் கணக்காளா் சங்கத்தின் நிா்வாகிகள் பொறுப்பேற்பு

தென்னிந்திய ஆடிட்டா் அசோசியேஷனின் (டிஏஏஎஸ்ஐ) புதிய நிா்வாகிகள் பொறுப்பேற்பு விழா அண்மையில் நடைபெற்றது.

கோவை ஆா்.எஸ்.புரத்தில் நடைபெற்ற இந்த அமைப்பின் ஆண்டு பொதுக்குழுக் கூட்டத்தில், அமைப்பின் தலைவராக ஆடிட்டா் வி.கோபாலகிருஷ்ணன், துணைத் தலைவராக எல்.கமேஷ், செயலராக மகேஷ் பிரபு, பொருளாளராக காசி விஸ்வநாதன், இணைச் செயலராக எஸ்.ஏ.கோபாலகிருஷ்ணன் ஆகியோா் பொறுப்பேற்றுக் கொண்டனா்.

நிகழ்ச்சியில் முன்னாள் தலைவா் எஸ்.வெங்கடேஷ் தலைமையிலான ஆடிட்டா்கள் பலா் பங்கேற்றனா்.

புதிய நிா்வாகக் குழு, அமைப்பின் பாரம்பரியத்தையும், சிறப்பான செயல்பாடுகளையும் தொடா்ந்து முன்னெடுத்து, தொழில்முறை வளா்ச்சி, மாணவா் மேம்பாடு, கணக்கியல், தணிக்கைத் துறையின் முன்னேற்றத்துக்காக புதிய முயற்சிகளை மேற்கொள்ளும் என்று தெரிவிக்கப்பட்டுள்ளது.