சுற்றுச்சூழல்  பாதுகாப்பை வலியுறுத்தி மரக்கன்றுகள் விநியோகம்

சுற்றுச்சூழல் பாதுகாப்பை வலியுறுத்தி நீலகிரி மாவட்டத்தின் பல்வேறு பகுதிகளில் இலவச மரக்கன்றுகள் விநியோகிக்கப்பட்டன.
சென்னையைத் தலைமையிடமாகக் கொண்டு செயல்படும் இம்பாக்ட் சிறுகடன் நிறுவனம், தமிழகம் முழுதும் 10,000 மரக்கன்றுகளை நடும் திட்டத்தைச் செயல்படுத்தியது. 
நீலகிரி மாவட்டத்தில் கரன்சி, கிளண்டேல், கரன்சி, முள்ளிக்கொரை, முத்தொரை பாலடா, தலையாட்டுமந்து பகுதிகளிலும்,  நஞ்சநாடு அரசு மேல்நிலைப் பள்ளி,  நஞ்சநாடு முதியோர் இல்லம்,  உதகை அரசினர் காது கேளாதோர் பள்ளி,  தலையாட்டுமந்து அரசு தொடக்கப் பள்ளி ஆகியவற்றில்  முதல்கட்டமாக 200 மரக்கன்றுகள் செவ்வாய்க்கிழமை வழங்கப்பட்டன.  
இந்த நிகழ்ச்சியில் இம்பாக்ட் நிறுவனத்தின் முதன்மை மேலாளர் பினு சகாரியா, முதன்மை உதவி மேலாளர் ஜெயராஜ்,  நீலகிரி மாவட்ட கிளை மேலாளர் கணேஷ் உள்ளிட்டோர் பங்கேற்றனர்.