கோடைக் கால கிரிக்கெட் பயிற்சி முகாம்

கோடைக் கால கிரிக்கெட் பயிற்சி முகாம் ஸ்டார் கிரிக்கெட் அகாதெமி சார்பில் ஏப்ரல் 6-ஆம் தேதி முதல் 40 நாள்கள் நடைபெறவுள்ளது. 
8 முதல் 19 வயது வரை உள்ள பள்ளி மாணவர்களுக்கு ஆண்டுதோறும் கோடைக் கால கிரிக்கெட் சிறப்பு பயிற்சி முகாம் ஸ்டார் கிரிக்கெட் அகாதெமி சார்பில் நடத்தப்பட்டு வருகிறது. 
அதன்படி, இந்த ஆண்டு ஏப்ரல் 6-ஆம் தேதி முதல் மே 13 -ஆம் தேதி வரை பயிற்சி முகாம் நடத்தப்பட உள்ளது. 
இந்த முகாம் காலை 6 முதல் 9 மணி வரையிலும், மாலை 3 முதல் 6 மணி வரையிலும் கொல்லம்பாளையம், ஆஸ்ரம் மெட்ரிக். பள்ளி மைதானத்தில் நடைபெறும். விருப்பமுள்ள மாணவர்கள் கலந்துகொள்ளலாம் என அகாதெமி தலைவர் சண்முகசுந்தரம் தெரிவித்துள்ளார்.