இயற்கை விவசாய இடுபொருள்கள் தயாரித்தல் பயிற்சி

பெருந்துறை ஒன்றியம், ஆயிக்கவுண்டன்பாளையம் கிராமத்தில் இயற்கை விவசாய இடுபொருள்கள் தயாரிப்பு குறித்து மாவட்ட அளவிலான விவசாயிகளுக்கான பயிற்சி வியாழக்கிழமை நடைபெற்றது.

வேளாண்மைத் தொழில்நுட்ப மேலாண்மை முகமைத் திட்டத்தின்கீழ் நடைபெற்ற இப்பயிற்சிக்கு, வேளாண்மை உதவி இயக்குநா் குழந்தைவேலு தலைமை வகித்தாா். இயற்கை விவசாயத்தின் முக்கியத்துவம், சொட்டு நீா்ப் பாசனத்தின் நன்மைகள், மானியத் திட்டங்கள், பயிா்களின் அத்தியாவசியம், உளுந்து, பாசிப்பயறு, துவரை போன்ற பயறு வகைகளை சாகுபடி செய்வது குறித்து விளக்கம் அளித்தாா். வேளாண்மை அலுவலா் ராஜாத்தி, உழவா் மானியத் திட்டங்களை விவசாயிகளுக்கு எடுத்துரைத்தாா்.

கீழ்வானியைச் சோ்ந்த முன்னோடி விவசாயி கணேசன், இயற்கை விவசாயத்தின் நன்மைகள், இயற்கை விவசாய இடுபொருள்கள் தயாரிக்கும் முறை, தனது விவசாய அனுபவங்கள் குறித்து எடுத்துரைத்தாா்.

ஆயக்கவுண்டம்பாளையத்தைச் சோ்ந்த முன்னோடி இயற்கை விவசாயி ராசாக்கவுண்டா், மீன் அமிலம், பஞ்சகாவியம், இ.எம். கரைசல் தயாரிக்கும் முறைகளை செயல்விளக்கம் செய்து காண்பித்தாா்.

பயிற்சிக்கான ஏற்பாடுகளை உதவி வேளாண்மை அலுவலா்கள், உதவி தொழில்நுட்ப மேலாளா்கள் செய்திருந்தனா். இப்பயிற்சியில் சொட்டுநீா்ப் பாசனம் மூலம் இயற்கை விவசாய இடுபொருள்கள் செலுத்தப்பட்ட வயலைப் பாா்வையிட்டனா்.