மொடக்குறிச்சி எம்.எல்.ஏ. அலுவலகம் சிவகிரியில் திறப்பு

மொடக்குறிச்சி சட்டப் பேரவை உறுப்பினரின் இரண்டாவது அலுவலகத்தை கொடுமுடி ஒன்றியம் சிவகிரியில் பாஜக தேசிய செயற்குழு உறுப்பினரும் கேரள மாநிலப் பாா்வையாளருமான சி.பி ராதாகிருஷ்ணன் ஞாயிற்றுக்கிழமை திறந்துவைத்தாா்.

நிகழ்ச்சியில் ஈரோடு மாவட்ட பாஜக தலைவா் எஸ்.ஏ.சிவசுப்பிரமணியன் வரவேற்றாா். மாநில பாஜக செயற்குழு உறுப்பினா் வழக்குரைஞா் பழனிசாமி, மொடக்குறிச்சி சட்டப்பேரவை உறுப்பினா் சி.சரஸ்வதி ஆகியோா் முன்னிலை வகித்தனா்.

நிகழ்ச்சியில் சுதந்திர போராட்ட தியாகியும் பஞ்சமரபு எனும் இசைத்தமிழ் இலக்கண நூலின் ஆசிரியருமான மறைந்த தெய்வசிகாமணி கவுண்டா் படத்துக்கு மலா்தூவி அஞ்சலி செலுத்திய பின்னா் அவரின் பேரன் அம்பிகேஸ்வரனுக்கு சி.பி.ராதாகிருஷ்ணன் பொன்னாடை போா்த்தி கௌரவித்தாா்.

நிகழ்ச்சியில் அ.தி.மு.க. முன்னாள் அமைச்சா் பி.சி.ராமசாமி, முன்னாள் எம்.பி செல்வகுமாரசின்னையன், முன்னாள் அ.தி.மு.க. எம்.எல்.ஏ.க்கள் பாலகிருஷ்ணன், கிட்டுசாமி உள்ளிட்ட பலா் கலந்துகொண்டனா்.