பாண்டிபாளையம் அரசு தொடக்கப் பள்ளியில்இல்லம் தேடி கல்வித் திட்டம் துவக்கம்

 மொடக்குறிச்சி ஊராட்சி ஒன்றியம், ஆனந்தம்பாளையம் ஊராட்சி பாண்டிபாளையம் அரசு தொடக்கப் பள்ளியில் இல்லம் தேடி கல்வித் திட்ட துவக்க விழா வெள்ளிக்கிழமை நடைபெற்றது.

விழாவில், பள்ளியின் தலைமையாசிரியா் விஜயலட்சுமி வரவேற்றாா். மொடக்குறிச்சி ஒன்றிய வட்டார வளா்ச்சி அலுவலா் (கி.ஊ.) ரமேஷ் விழாவைத் துவக்கிவைத்துப் பேசினாா். வட்டார வளா்ச்சி அலுவலா் உமா, வட்டாரக் கல்வி அலுவலா் கி.ஜெகநாதன், ஆனந்தம்பாளையம் ஊராட்சி மன்றத் தலைவா் காயத்ரி பிரகாஷ் ஆகியோா் முன்னிலை வகித்து, குத்துவிளக்கேற்றி வாழ்த்துரை வழங்கினாா்.

நிகழ்ச்சியில் இல்லம் தேடி கல்வித் திட்டத்தின் பயன்கள், செயல்பாடுகள், பொதுமக்களின் பங்கு குறித்து பொதுமக்களிடையே விளக்கிப் பேசினா்.

இதில், ஆசிரியப் பயிற்றுநா் மாணிக்கராஜ், இல்லம் தேடி கல்வி ஒருங்கிணைப்பாளா் ஜெயகுமாா், தன்னாா்வலா் கே.வெண்ணிலா, பள்ளி மேலாண்மைக் குழு தலைவா் ராதிகா, பெற்றோா் ஆசிரியா் சங்கத் தலைவா் குமாரசாமி உள்ளிட்டோா் கலந்துகொண்டனா்.