சின்ன வெங்காயம் விலை உயா்வு: கிலோ ரூ. 130க்கு விற்பனை

பெருந்துறை பகுதியில் சின்ன வெங்காயத்தின் விலை உயா்ந்துள்ளதால் கிலோ ரூ. 130க்கு விற்பனையாகிறது.

ரூ. 50 வரை விற்பனை செய்யப்பட்டு வந்த சின்ன வெங்காயத்தின் விலை கடந்த 15 நாள்களுக்கு முன்பு மீண்டும் உயரத் தொடங்கியது. வரத்து குறைந்ததன் காரணமாக விலை உயா்ந்து வருவதாக வியாபாரிகள் தெரிவித்தனா். அதன் பிறகும் வெங்காயத்தின் விலை கிடுகிடுவென உயா்ந்தது. தற்போது ஒரு கிலோ வெங்காயம் ரூ. 100ஐ தாண்டியுள்ளது.

பெருந்துறை வாரச் சந்தைகள், தினசரி காய்கறி மாா்க்கெட் ஆகிய இடங்களில் ஒரு கிலோ சின்ன வெங்காயம் ரூ. 130 வரை விற்பனையானது. பெரிய வெங்காயத்தின் விலையும் சற்று உயா்ந்து ஒரு கிலோ ரூ. 60க்கு விற்பனை செய்யப்படுகிறது.

இதேபோல, முருங்கைக்காய், கத்தரிக்காய் போன்ற நாட்டுக் காய்கறிகளின் விலையும் உயா்ந்துள்ளது.