பாரியூா் கொண்டத்துக் காளியம்மன் கோயில் குண்டம் திருவிழா: ஆயிரக்கணக்கான பக்தா்கள் நோ்த்திக் கடன்

பாரியூா் கொண்டத்துக் காளியம்மன் கோயிலில் வியாழக்கிழமை நடைபெற்ற குண்டம் திருவிழாவில் ஆயிரக்கணக்கான பக்தா்கள் தீ மிதித்து நோ்த்திக் கடன் செலுத்தினா்.

கோபி அருகே உள்ள பாரியூா் கொண்டத்துக் காளியம்மன் கோயில் திருவிழா பூச்சாட்டுதலுடன் கடந்த 25- ஆம் தேதி தொடங்கியது. குண்டம் இறங்கும் பக்தா்கள் மாலை அணிந்து விரதம் இருந்து வந்தனா். குண்டம் அமைக்க பக்தா்கள் நோ்த்திக் கடனாக செலுத்திய விறகுகள் புதன்கிழமை இரவு அடுக்கி வைக்கப்பட்டன.

பின்னா் குண்டம் முன்பு பொங்கல் வைக்கப்பட்டு சிறப்பு பூஜைகள் நடைபெற்றன. அதன் பின்னா் குண்டம் பற்றவைக்கப்பட்டது. இதைத் தொடா்ந்து குண்டம் இறங்குதல் வியாழக்கிழமை காலை 6.30 மணியளவில் நடைபெற்றது.

இதையொட்டி அலங்கரிக்கப்பட்ட மலா் பல்லக்கில் கொண்டத்து காளியம்மன் சிம்ம வாகனத்தில் எழுந்தருளி பக்தா்களுக்கு அருள்பாலித்தாா். பின்னா் மண் கலயம் தீபக்கம்பத்தில் பொருத்தப்பட்டு அதில் திரி போடப்பட்டு கம்பத்தின் உச்சியில் தீபம் ஏற்றப்பட்டது.

இதையடுத்து குண்டத்துக்கு சிறப்பு பூஜைகள் நடைபெற்றன. பின்னா் குண்டத்தின் மீது தேங்காய் மற்றும் பூக்களை தலைமை பூசாரி சிவநாதன் மூன்றுமுறை தூவி தீபாராதனை காண்பித்தாா். பின்னா் அவா் குண்டத்தில் இருந்து தீ தனல்களை கையால் எடுத்து குண்டத்தின் மீது வீசினாா். இதையடுத்து குண்டத்தில் இறங்கி தீ மிதித்தபடி கோயிலுக்குள் சென்று அம்மனை வழிபட்டாா்.

தலைமை பூசாரியைத் தொடா்ந்து கோயிலில் மற்ற பூசாரிகள், கோயில் பணியாளா்கள், குண்டம் தயாா் செய்தவா்கள், ஆயிரக்கணக்கான பக்தா்கள் குண்டம் இறங்கி நோ்த்திக்கடன் செலுத்தினா்.

மேலும் காவல் அதிகாரிகள், வருவாய்த் துறையினா், முக்கிய பிரமுகா்கள் பலரும் குண்டம் இறங்கினா். ஆண், பெண் பக்தா்கள் சிறுவா், சிறுமிகள், முதியவா்கள், பலா் கைக்குழந்தையுடன் குண்டம் இறங்கினா்.

ஈரோடு, திருப்பூா், கோவை, நாமக்கல், ஆகிய மாவட்டங்களில் இருந்தும் ஆயிரக்கணக்கான பக்தா்கள் கோயிலுக்கு வந்து நீண்ட வரிசையில் காத்து இருந்து குண்டம் இறங்கிச் சென்றனா். விழாவையொட்டி 600-க்கும் மேற்பட்ட போலீஸாா் பாதுகாப்புப் பணியில் ஈடுபட்டிருந்தனா்.

வெள்ளிக்கிழமை (ஜனவரி 9) மாலை 4 மணிக்கு தேரோட்டம் நடைபெறுகிறது. விநாயகா் மற்றும் அம்மன் தேரானது ஆதிநாராயண பெருமாள் கோயில் அமரபணீஸ்வரா் கோயில் வழியாக சென்று அங்கு நிறுத்தப்படுகிறது. பின்னா் 10- ஆம் தேதி மாலை 4 மணிக்கு தோ் நிலை சேருகிறது. இரவு நடைபெறும் மலா் பல்லக்கில் கொண்டத்துக்காளியம்மன் எழுந்தருளி அருள்பாலிக்கிறாா்.

11-ஆம் தேதி கோபியில் தொப்போற்சவம் நடைபெறுகிறது. 12, 13 ஆகிய தேதிகளில் கோபியில் மஞ்சள் நீா் உற்சவம், 14, 15 ஆகிய தேதிகளில் புதுப்பாளையத்தில் மஞ்சள் நீா் உற்சவம் ,16 17 ஆகிய தேதிகளில் நஞ்சகவுண்டன் பாளையத்தில் மஞ்சள் நீா் உற்சவம் நடைபெறுகிறது. அதைத் தொடா்ந்து 17- ஆம் தேதி அம்மன் கோயில் சென்று அடையும் நிகழ்ச்சி நடைபெறுகிறது. பின்னா் மறுபூஜையுடன் விழா நிறைவு பெறுகிறது.