குவைத், பஹ்ரைன் மீது மீண்டும் ஈரான் தாக்குதல்! வளைகுடா நாடுகள் கண்டனம்!சீனா சென்றார் டிரம்ப்! அதிபர்கள் ஜின்பிங், புதின் உடன் முத்தரப்பு சந்திப்பு!சோத்துப்பாறை அணையைத் திறந்த தவெகவினர்: எடப்பாடி பழனிசாமி கண்டனம்!தவெக உறுப்பினர் அட்டை இருந்தால் எந்த விதிகளையும் மதிக்கத் தேவையில்லை: கனிமொழிதினமணி இணையதள செய்தி எதிரொலி: அயனாவரம் கழிவுநீர் பிரச்னை! களமிறங்கிய குடிநீர் வாரிய அதிகாரிகள்!!தமிழக காவல்துறையில் புதிய இ-சிஎஸ்ஆர் வசதி அறிமுகம்! இனி ஆன்லைனிலேயே புகார் அளிக்கலாம்!நெல்லையில் காய்ச்சல் பாதிப்பு அதிகரிப்பா? உண்மை நிலவரம் என்ன?

பவானி லட்சுமி நகரில் கட்டப்படும் மேம்பாலத்தின் சா்வீஸ் சாலை அகலத்தை அதிகரிக்கக் கோரிக்கை

பவானி லட்சுமி நகரில் புதிதாக கட்டப்படும் புதிய மேம்பாலத்தின் சா்வீஸ் சாலையின் அகலத்தை 10.5 மீட்டராக அதிகரிக்க வேண்டும் என பொதுமக்கள் கோரிக்கை விடுத்துள்ளனா்.

ஆலோசனைக் கூட்டத்தில் பேசுகிறாா் தமாகா ஈரோடு மாநகா் மாவட்டத் தலைவா் பி.விஜயகுமாா்.

Updated On :

பவானி லட்சுமி நகரில் புதிதாக கட்டப்படும் புதிய மேம்பாலத்தின் சா்வீஸ் சாலையின் அகலத்தை 10.5 மீட்டராக அதிகரிக்க வேண்டும் என பொதுமக்கள் கோரிக்கை விடுத்துள்ளனா்.

சேலம் - கொச்சி தேசிய நெடுஞ்சாலையில் பவானி லட்சுமி நகா் சந்திப்பில் போக்குவரத்து நெரிசலைத் தடுக்கும் வகையில் ரூ.45 கோடியில் புதிய மேம்பாலம் அமைக்கும் பணி நடைபெறுகிறது. இப்பாலத்தின் இடதுபுற சா்வீஸ் சாலை 7 மீட்டா் அகலத்தில் அமைக்க திட்டமிடப்பட்டுள்ளதால், இப்பகுதியில் வாகன நெரிசல் அதிகரிப்பதோடு, விபத்து அபாயமும் உள்ளதாக பொதுமக்கள் புகாா் தெரிவித்துள்ளனா்.

இந்நிலையில், தமிழ் மாநில காங்கிரஸ் கட்சியின் ஈரோடு மாநகரத் தலைவா் பி.விஜயகுமாா் தலைமையில் பொதுமக்கள் மற்றும் அனைத்து அமைப்புகளின் நிா்வாகிகள் பங்கேற்ற ஆலோசனைக் கூட்டம் லட்சுமி நகரில் புதன்கிழமை நடைபெற்றது. இதில், லட்சுமி நகரில் கட்டப்படும் புதிய மேம்பாலத்தின் சா்வீஸ் சாலை அகலத்தை 10.5 மீட்டராக அதிகரிக்க வேண்டும். புதிய மேம்பாலத்தின் தொடக்கத்தை, ஏற்கெனவே உள்ள வலதுபுறச்சாலை மேம்பாலத்திற்கு இணையாக அமைக்க வேண்டும். இதுகுறித்து, ஆய்வு செய்து திட்ட அறிக்கையில் திருத்தம் செய்யும் வரையில் கட்டுமானப் பணிகளை தேசிய நெடுஞ்சாலை ஆணையம் நிறுத்தி வைக்க வேண்டும் என வலியுறுத்த முடிவு செய்யப்பட்டது.

தொடா்ந்து, தேசிய நெடுஞ்சாலை ஆணையத்தின் சேலம் கோட்ட தலைமை பொறியாளா் ஸ்ரீனிவாசலுவிடம் மனு அளிக்கப்பட்டது.

மேட்டுநாசுவம்பாளையம் ஊராட்சி முன்னாள் தலைவா் எஸ்.மகேஸ்வரன், ஈரோடு மாவட்ட அனைத்து வணிகா் சங்கங்களின் கூட்டமைப்பு செயலாளா் சுந்தரராஜன், பவானி - குமாரபாளையம் லாரி உரிமையாளா்கள் சங்கச் செயலாளா் செல்வக்குமாா், பொருளாளா் செங்கோட்டையன், நிா்வாகிகள் முத்துசாமி, சின்னசாமி உள்ளிட்ட பலா் உடன் சென்றிருந்தனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.