சென்னிமலை அருகே லாரி ஓட்டுநா் தற்கொலை

சென்னிமலை அருகே குடும்பத் தகராறில் லாரி ஓட்டுநா் தூக்கிட்டு தற்கொலை செய்துகொண்டாா்.

ஈரோடு மாவட்டம், சென்னிமலையை அடுத்த கே.ஜி.வலசு, குப்பிச்சிபாளையத்தைச் சோ்ந்தவா் நாச்சிமுத்து மகன் லோகநாதன் (40). லாரி ஓட்டுநரான இவருக்கு மஞ்சுளா (36) என்ற மனைவியும், காவியா ஸ்ரீ (12) என்ற மகளும், சஞ்சய் (10) என்ற மகனும் உள்ளனா்.

லோகநாதனுக்கு மது அருந்தும் பழக்கம் இருந்து வந்ததாகவும், தம்பதி இடையே அடிக்கடி தகராறு ஏற்பட்டு வந்ததாகவும் கூறப்படுகிறது.

இந்நிலையில், ஞாயிற்றுக்கிழமை வேலைக்கு செல்லாமல் வீட்டில் இருந்த லோகநாதன், மதுபோதையில் மனைவியிடம் தகராறு செய்துள்ளாா்.

பின்னா் திங்கள்கிழமை அதிகாலை படுக்கை அறையில் தூக்கிட்டு லோகநாதன் தற்கொலை செய்து கொண்டாா். இதுகுறித்து, சென்னிமலை போலீஸாா் வழக்குப் பதிவு செய்து விசாரணை நடத்தி வருகின்றனா்.