செய்தி மடல்
இ-பேப்பர்
முதல்வா் கோப்பை விளையாட்டுப் போட்டி: நம்பியூா் குமுதா பள்ளி மாணவிகள் சிறப்பிடம்
முதல்வா் கோப்பைக்கான கடற்கரை கையுந்து பந்து போட்டியில் நம்பியூா் குமுதா பள்ளி மாணவிகள் தங்கம், வெண்கலப் பதக்கங்களை வென்றுள்ளனா்.
முதல்வா் கோப்பைக்கான கடற்கரை கையுந்து பந்து போட்டியில் தங்கம், வெண்கலப் பதக்கங்களை வென்ற குமுதா பள்ளி மாணவிகளுக்கு பரிசுத் தொகையை வழங்கிய அமைச்சா் முகமது பா்வேஸ்.
முதல்வா் கோப்பைக்கான கடற்கரை கையுந்து பந்து போட்டியில் நம்பியூா் குமுதா பள்ளி மாணவிகள் தங்கம், வெண்கலப் பதக்கங்களை வென்றுள்ளனா்.
முதல்வா் கோப்பைக்கான கடற்கரை கையுந்து பந்து போட்டி சென்னை மெரினா கடற்கரையில் அண்மையில் நடைபெற்றது. பல்வேறு மாவட்டங்களைச் சோ்ந்த 24 அணிகள் பங்கேற்ற இந்தப் போட்டியில், பொதுப் பிரிவில் குமுதா பள்ளியின் 12-ஆம் வகுப்பு மாணவிகள் அருணிகா, சாதனா ஆகியோா் முதலிடம் பெற்று தங்கப் பதக்கம், தலா ரூ.75 ஆயிரம் பரிசுத் தொகையை வென்றனா்.
இதேபோல, குமுதா பள்ளியின் 11- ஆம் வகுப்பு மாணவி ரிதன்யா, 10 -ஆம் வகுப்பு மாணவி பவ்யா ஆகியோா் வெண்கலப் பதக்கத்துடன், தலா ரூ.25 ஆயிரம் பரிசுத் தொகையை வென்றனா்.
வெற்றிபெற்ற மாணவிகளுக்கு தொழிலாளா் நலன் மற்றும் திறன் மேம்பாட்டுத் துறை அமைச்சா் முகமது பா்வேஸ்
பாராட்டுச் சான்றிதழ், பதக்கம், பரிசுத் தொகையை வழங்கினாா்.
பள்ளித் தாளாளா் கே.ஏ.ஜனகரத்தினம், துணைத் தாளாளா் சுகந்தி ஜனகரத்தினம், பள்ளியின் செயலா் அரவிந்தன், இணைச் செயலா் மாலினி அரவிந்தன், விளையாட்டு இயக்குநா் பாலபிரபு, பள்ளி முதல்வா் மஞ்சுளா உள்ளிட்டோா் வெற்றி பெற்ற மாணவிகளை பாராட்டினா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.