குன்னூரில் இடியுடன் பலத்த மழை

குன்னூரில் வியாழக்கிழமை இரவு இடியுடன் கூடிய பலத்த மழை பெய்தது.
குன்னூர், அதனைச் சுற்றியுள்ளப் பகுதிகளில் வியாழக்கிழமை இரவு மழை பெய்தது. காலை முதல் வானம் மேகமூட்டதுடன் காணப்பட்டது. அவ்வப்போது சாரல் மழைப் பெய்தது. இரவு இடி, மின்னலுடன் பலத்த மழைப் பெய்தது. சுற்றுலாப் பயணிகள், உள்ளூர் மக்கள் வெகுவாக பாதிக்கப்பட்டனர்.
பல மாதங்களாக வறட்சி காணப்பட்ட நிலையில் தற்போது பெய்து வரும் மழையால் விவசாயிகள், பொதுமக்கள் மகிழ்ச்சி அடைந்துள்ளனர்.