கரோனா: நீலகிரியில் கொண்டாடப்படாத உலக தேநீா் தினம்

கரோனா தொற்று பரவல் கரணமாக நடப்பு ஆண்டில் நீலகிரியில் உலக தேநீா் தினம் கொண்டாட முடியாத சூழல் ஏற்பட்டுள்ளது.

ஆண்டுதோறும் மே 21ஆம் தேதி உலக தேநீா் தினமாக அனுசரிக்கப்படுகிறது. 2005ஆம் ஆண்டு வரை தேயிலை உற்பத்தி நாடுகளான இந்தியா, இலங்கை, நேபாளம், வியத்நாம், இந்தோனேஷியா, வங்கதேசம், கென்யா, மலாவி, மலேசியா, உகாண்டா, தன்சானியா போன்ற நாடுகளால் டிசம்பா் 15ஆம் தேதி சா்வதேச தேநீா் தினமாக அனுசரிக்கப்பட்டு வந்தது. ஆனால், 2019ஆம் ஆண்டு டிசம்பா் 21ஆம் தேதி ஐ.நா.வின் உணவு, விவசாய அமைப்பு மே 21ஆம் தேதியை உலக தேநீா் தினமாக அறிவித்தது.

நீலகிரியில் உள்ள 65 ஆயிரத்துக்கும் மேற்பட்ட விவசாயிகளின் வாழ்வாதாரமாக தேயிலைத் தொழில் திகழ்கிறது. இந்நிலையில் இந்த ஆண்டு கரோனா தொற்று காரணமாக உலக தேநீா் தினம் கொண்டாடப்படாமல் போனது விவசாயிகள், உள்ளூா் மக்களுக்கு ஏமாற்றை ஏற்படுத்தியுள்ளது.