கூடலூா் சாலையில் மரம் விழுந்ததால் போக்குவரத்து பாதிப்பு

கூடலூா்-மைசூரு தேசிய நெடுஞ்சாலையில் செவ்வாய்க்கிழமை மரம் முறிந்து விழுந்ததால் போக்குவரத்து பாதிக்கப்பட்டது.

நீலகிரி மாவட்டம், கூடலூரில் செவ்வாய்க்கிழமை மாலை திடீரென கனமழை பெய்தது. இந்நிலையில், கூடலூா்-மைசூா் தேசிய நெடுஞ்சாலையில் மரப்பாலம் அருகே சாலையோரத்தில் இருந்த மரம் முறிந்து சாலையின் குறுக்கே விழுந்தது. இதனால், வாகனங்கள் அணிவகுத்து நின்றன. தகவல் அறிந்து சம்பவ இடத்துக்கு வந்த தீயணைப்பு வீரா்கள் சுமாா் 1 மணி நேரம் போராடி மரத்தை வெட்டி அப்புறப்படுத்தினா். இதையடுத்து, அணிவகுத்து நின்ற வாகனங்கள் புறப்பட்டுச் சென்றன.