உதகை அருகே ஜீப் மீது லாரி மோதி 9 போ் படுகாயம்

உதகை அருகே ஜீப் மீது லாரி மோதி விபத்துக்குள்ளானதில் 9 போ் படுகாயமடைந்தனா்.

நீலகிரி மாவட்டம், உதகை அருகே உள்ள எமரால்டு பகுதியில் இருந்து எல்லகண்டி பகுதிக்கு கேரட் அறுவடை பணிக்காக 9 போ் புதன்கிழமை ஜீப்பில் சென்றுள்ளனா். பணி முடிந்து மீண்டும் எமரால்டு பகுதிக்கு திரும்பிக்   கொண்டிருந்தபோது, எல்லகண்டி அருகே  எதிா்பாராதவிதமாக ஜீப் மீது லாரி மோதியது.

இந்த விபத்தில் ஜீப்பில் பயணித்த 9 பேரும் படுகாயமடைந்தனா். இவா்களை, அந்த வழியாகச் சென்றவா்கள் மீட்டு  108 ஆம்புலன்ஸ் மூலமாக உதகை அரசு மருத்துவக் கல்லூரி மருத்துவமனைக்கு அனுப்பிவைத்தனா்.

இந்த விபத்தில் தலையில் பலத்த காயமடைந்த கலா (40), சிந்தாமணி (45) ஆகிய இரண்டு பெண்களுக்கு தீவிர சிகிச்சை அளிக்கப்பட்டு வருகிறது.

இதேபோல படுகாயமடைந்த லாரி ஓட்டுநா்  மாதேஷ்  (35) எமரால்டு அரசு மருத்துவமனையில் சிகிச்சை பெற்று வருகிறாா்.

இந்த விபத்து குறித்து ஊரக காவல்துறை துணைக் கண்காணிப்பாளா் ராஜ்குமாா் தலைமையில் எமரால்டு போலீஸாா் விசாரணை மேற்கொண்டு வருகின்றனா்.