காங்கயத்தில் சாலையில் வழிந்தோடும் கழிவுநீர்: சுகாதாரச் சீர்கேடு

காங்கயத்தில் சாக்கடைக் கால்வாயில் அடைப்பு ஏற்பட்டு கழிவுநீர் சாலையில் வழிந்தோடியதால் பொதுமக்கள் அவதிப்பட்டனர்.
காங்கயத்தில், கோவை சாலையில் உள்ள அரசு விருந்தினர் மாளிகை அருகே கடந்த சில தினங்களாக சாக்கடைக் கால்வாயில் அடைப்பு ஏற்பட்டு கழிவுநீர் வழிந்தோடி குளம்போல் தேங்கியுள்ளது. 
அப்பகுதியில் துர்நாற்றம் வீசுவதோடு சுகாதாரச் சீர்கேடு ஏற்பட்டுள்ளது. அரசு விருந்தினர் மாளிகை உள்ள இப்பகுதியில் தேங்கியுள்ள சாக்கடைக் கால்வாய்க் கழிவுநீரை உடனடியாக அப்புறப்படுத்த  நகராட்சி அதிகாரிகள் நடவடிக்கை எடுக்க வேண்டும் என பொது மக்கள் கோரிக்கை விடுத்துள்ளனர்.