வெள்ளக்கோவிலில் பிளாஸ்டிக் ஒழிப்பு மினி மாரத்தான்

வெள்ளக்கோவில் நகரில் பிளாஸ்டிக் ஒழிப்பை வலியுறுத்தி மினி மாரத்தான் ஞாயிற்றுக்கிழமை நடைபெற்றது.
வெள்ளக்கோவில் காவல் நிலைய ஆய்வாளர் மு.ஜெயபாலன் மாரத்தான் ஓட்டத்தைத் துவக்கி வைத்தார். கொங்கு வேளாளர் மெட்ரிக் மேல்நிலைப் பள்ளி செயலாளர் வி.சி.கருணாகரன், நிழல்கள் அறக்கட்டளை மகாதேவன் ஆகியோர் முன்னிலை வகித்தனர்.
வள்ளியிரச்சல் சாலையில் மின்சார வாரிய அலுவலகம் அருகில் துவங்கிய மாரத்தான், 4 கி.மீ. தொலைவைக் கடந்து முத்தூர் சாலை- தண்ணீர்ப்பந்தல் பகுதியில் நிறைவடைந்தது. இதில் சமூக ஆர்வலர்கள், மாணவர்கள், காவல் துறையினர், பொதுமக்கள் பங்கேற்றனர். பிளாஸ்டிக் பொருள்களைத் தவிர்ப்போம்  என மாரத்தானில் சென்றவர்கள் வலியுறுத்தினர்.
மாரத்தானில் அனைவரும் பச்சை வண்ணத்தில் தொப்பி அணிந்திருந்தனர். பிளாஸ்டிக் தடையை வலியுறுத்தி இப்பகுதியில் இதுபோல மாரத்தான் நடந்தது இதுவே முதன்முறையாகும்.