மது விற்றவர் கைது

தாராபுரத்தில் சட்டவிரோத மது விற்பனையில் ஈடுபட்ட நபர் ஞாயிற்றுக்கிழமை கைது செய்யப்பட்டார்.
புது காவல் நிலையம் அருகே செயல்பட்டு வரும் டாஸ்மாக் மதுபானக் கடையின் மதுக் கூடத்தில் அதிகாலை நேரங்களில் மது விற்பனை நடைபெறுவதாக கோட்ட கலால் துறையினருக்குப் புகார்கள் வந்துள்ளன. இதையடுத்து,  கலால் உதவி ஆணையர் சக்திவேல் தலைமையிலான குழுவினர் சம்பந்தப்பட்ட மதுக் கூடத்தில் ஆய்வு மேற்கொண்டனர். அப்போது, செல்வம் (22) என்பவர் மது விற்பனை செய்து வந்தது தெரியவந்தது. அதையடுத்து, மது விலக்கு காவல் துறையினர் செல்வத்தைக் கைது செய்து, 25 மது பாட்டில்களைப் பறிமுதல் செய்தனர்.