ஜமாபந்தி: பொதுமக்கள் கோரிக்கை மனு

காங்கயத்தில் வியாழக்கிழமை நடைபெற்ற ஜமாபந்தியில் பொது மக்களிடம் இருந்து 129 கோரிக்கை மனுக்கள் பெறப்பட்டன.
காங்கயம் வட்டாட்சியர் அலுவலக வளாகத்தில் ஜமாபந்தி கடந்த செவ்வாய்க்கிழமை தொடங்கியது. இதில் வியாழக்கிழமை நத்தக்காடையூர் உள்வட்டதைச் சேர்ந்த மறவபாளையம், கீரனூர், பாப்பினி, நால்ரோடு, பரஞ்சேர்வழி, மருதுறை, நத்தக்காடையூர், முள்ளிப்புரம், குட்டப்பாளையம், பழையகோட்டை ஆகிய பகுதிகளைச் சேர்ந்த மக்கள் கோரிக்கை மனுக்களை அளித்தனர்.
தாராபுரம் உதவி ஆட்சியர் கிரேஸ் பச்சாவு பொதுமக்களிடம் இருந்து மனுக்களைப் பெற்று, மனுதாரர்களுக்கு பதில் தெரிவித்தார். இதில், பொது மக்களிடம் இருந்து முதியோர் உதவித் தொகை, பட்டா மாறுதல் உள்ளிட்ட 129 கோரிக்கை மனுக்கள் பெறப்பட்டன.