அருள்புரத்தில் ஆசிரியர் தின விழா

அருள்புரம் ஜெயந்தி கல்வி நிறுவனங்களில் ஆசிரியர் தின விழா புதன்கிழமை கொண்டாடப்பட்டது.  
அருள்புரத்தில் உள்ள ஜெயந்தி மெட்ரிக். மேல்நிலைப் பள்ளி, ஜெயந்தி பப்ளிக் பள்ளி, ஜெயந்தி கிட்ஸ் அகாதெமி, ஜெயந்தி கல்வியியல் கல்லூரி, ஜெயந்தி ஆசிரியர் பயிற்சி நிறுவனம், ஜெயந்தி உயர்கல்வி மற்றும் ஆராய்ச்சி நிறுவனம் ஆகியவை சார்பில், விநாயகர் சதுர்த்தி விழா, ஆசிரியர் தின விழா, நல்லாசிரியர்களுக்கு விருது வழங்கும் விழா ஆகிய முப்பெரும் விழா பள்ளி வளாகத்தில் புதன்கிழமை கொண்டாடப்பட்டது. 
ஜெயந்தி அறக்கட்டளை மற்றும் கல்வி நிறுவனங்களின் தலைவர் கே.கிருஷ்ணன் தலைமை வகித்தார். மெட்ரிக். பள்ளி முதல்வர் எம்.கே.எஸ்.சுரேஷ்நாதன் வரவேற்றார். ஆசிரியர்களுக்கு பரிசுகளை வழங்கி கோவை காமாட்சிபுரி ஆதீனம் சிவலிங்கேஸ்வர சுவாமிகள்ஆசி வழங்கினார். சித்தம்பலம் நவகிரகக்கோட்டை ஞானகுரு மன்றம் சார்பில் யாகவேள்வியும் பஜனை கச்சேரியும் நடைபெற்றன. 
அன்னதானம் வழங்கப்பட்டது. ஜெயந்தி பப்ளிக் பள்ளி முதல்வர் எம்.சிலம்புசெல்வன் நன்றி கூறினார்.