உள்ளாட்சித் தேர்தலுக்கான வைப்புத் தொகையை திரும்ப பெற்றுக்கொள்ள நகராட்சி அழைப்பு

பல்லடம் நகராட்சியில் உள்ளாட்சித் தேர்தல் வேட்பு மனுவுக்காக வைப்பு தொகையை செலுத்தியவர்கள் அதை திரும்பபெற நகராட்சி நிர்வாகம் அழைப்பு விடுத்துள்ளது.  
பல்லடம் முதல் நிலை நகராட்சியில் உள்ள 18 வார்டுகளுக்கு 2016 ஆம் ஆண்டு அறிவிக்கப்பட்டு சென்னை உயர் நீதிமன்றத்தின் உத்தரவுப்படி நிறுத்தி வைக்கப்பட்ட உள்ளாட்சித் தேர்தலில் போட்டியிட 102 பேர் வேட்பு மனு தாக்கல் செய்திருந்தனர். 
அவர்கள் செலுத்திய வேட்பு மனு வைப்புத் தொகையை திரும்ப அளிக்க அரசு உத்தரவிட்டது. அதன்படி இதுவரை 66 பேர் பணத்தை திரும்ப பெற்றனர். 36 பேர் இதுவரை பணத்தை திரும்ப பெறாமல் உள்ளனர். அவர்கள் பணம் செலுத்தியற்கான ரசீது நகலுடன் வைப்புத் தொகை வேண்டி விண்ணப்பித்து பணத்தை பெற்றுக் கொள்ளலாம் என்று பல்லடம் நகராட்சி நிர்வாகம் அறிவுறுத்தியுள்ளது.