வெள்ளக்கோவிலில் 35 விநாயகர் சிலைகள் பிரதிஷ்டை

விநாயகர் சதுர்த்தியை முன்னிட்டு வெள்ளக்கோவில் பகுதியில் 35 விநாயகர் சிலைகள் பிரதிஷ்டை செய்யப்பட உள்ளன. 
 இந்து முன்னணி சார்பில் 31, விஸ்வ ஹிந்து பரிஷத் சார்பில் 2 , பொது மக்கள் சார்பில் 2 என மொத்தம் 35 விநாயகர் சிலைகள் பொது இடங்களில் வைக்க காவல் துறையிடம் அனுமதி பெறப்பட்டுள்ளது. 
இவற்றில் காமராஜபுரத்தில் வைக்கப்படும் விநாயகர் சிலை மட்டும் வியாழக்கிழமை இரவு எடுத்துச் செல்லப்பட்டு கொடுமுடி காவிரி ஆற்றில் கரைக்கப்படுகிறது. மற்ற விநாயகர் சிலைகள் அனைத்தும் வெள்ளிக்கிழமை ஆற்றில் கரைக்கப்பட உள்ளன.