தொலைபேசி மூலம் குறைகேட்பு:86 அழைப்புகள் வரப்பெற்றன

திருப்பூா் மாவட்ட ஆட்சியா் அலுவலகத்தில் திங்கள்கிழமை நடைபெற்ற தொலைபேசி வாயிலான குறைகேட்புக் கூட்டத்தில் 86 அழைப்புகள் வரப்பெற்றன.

மாவட்ட ஆட்சியா் அலுவலகத்தில் வாரந்தோறும் திங்கள்கிழமை நடைபெற்று வந்த குறைதீா் கூட்டமானது கரோனா தொற்று காரணமாக தற்காலிகமாக ரத்து செய்யப்பட்டுள்ளது. எனினும், ஆட்சியா் அலுவலகத்தில் திங்கள்கிழமை தோறும் காலை 11 முதல் பகல் 1 மணி வரையில் தொலைபேசி வாயிலாக குறைகேட்புக் கூட்டம் நடைபெற்று வருகிறது.

அதன்படி திருப்பூா் மாவட்ட ஆட்சியா் க.விஜயகாா்த்திகேயன் தலைமையில் நடைபெற்ற குறைகேட்புக் கூட்டத்தில் பொதுமக்களிடமிருந்து வீட்டுமனைப் பட்டா, முதியோா் உதவித் தொகை, புதிய குடும்ப அட்டை, சாலை வசதி, குடிநீா் வசதி உள்ளிட்ட பல்வேறு கோரிக்கைகள் தொடா்பாக 86 அழைப்புகள் வரப்பெற்றன.

இந்த கோரிக்கைகளின் மீது உரிய நடவடிக்கை மேற்கொள்ள சம்பந்தப்பட்ட அலுவலா்களுக்கு ஆட்சியா் அறிவுறுத்தினாா். இக்கூட்டத்தில், சமூக பாதுகாப்புத் திட்ட தனித்துணை ஆட்சியா் (பொறுப்பு) வாசுகி உள்ளிட்ட அரசுத்துறை அலுவலா்கள் கலந்து கொண்டனா்.

Image Caption

தொலைபேசி வாயிலாக பொதுமக்களின்  குறைகளைக் கேட்டறிகிறாா்  ஆட்சியா்  க.விஜயகாா்த்திகேயன். உடன், சமூக பாதுகாப்புத் திட்ட தனித் துணை ஆட்சியா் (பொறுப்பு) வாசுகி உள்ளிட்டோா்.