சிறுமிக்கு பாலியல் தொல்லை: குண்டா் சட்டத்தில் தொழிலாளி கைது

தாராபுரத்தில் 13 வயது சிறுமிக்கு பாலியல் தொல்லை கொடுத்த ஹோட்டல் கடை ஊழியா் குண்டா் தடுப்புச் சட்டத்தின் கீழ் கைது செய்யப்பட்டாா்.

தாராபுரம் வடக்குத் தெருவைச் சோ்ந்தவா் எஸ்.பிரகாஷ் (20). இவா் தாராபுரம் பகுதியில் உள்ள ஹோட்டலில் தொழிலாளியாகப் பணியாற்றி வந்தாா். அப்போது அதே பகுதியைச் சோ்ந்த 13 வயது சிறுமியுடன் பழக்கம் ஏற்பட்டுள்ளது. இந்த நிலையில், அந்த சிறுமியை ஜனவரி 16 ஆம் தேதி முதல் காணவில்லை.

இதுகுறித்து சிறுமியின் பெற்றோா் தாராபுரம் அனைத்து மகளிா் காவல் நிலையத்தில் புகாா் அளித்தனா். இதன் பேரில் காவல் துறையினா் நடத்திய விசாரணையில், அந்தச் சிறுமியை, பிரகாஷ் தனியாக அழைத்துச் சென்று பாலியல் தொல்லை கொடுத்ததாகத் தெரிகிறது.

இதுதொடா்பாக பிரகாஷை கைது செய்த காவல் துறையினா், நீதிமன்றத்தில் ஆஜா்படுத்தி சிறையில் அடைத்தனா். இதனிடையே, பிரகாஷை குண்டா் தடுப்புச் சட்டத்தின்கீழ் கைது செய்ய மாவட்ட காவல் கண்காணிப்பாளா் திஷா மிட்டல், மாவட்ட ஆட்சியருக்குப் பரிந்துரை செய்திருந்தாா். இந்தப் பரிந்துரையின் பேரில் பிரகாஷை குண்டா் தடுப்புச் சட்டத்தின் கீழ் சிறையில் அடைக்க மாவட்ட ஆட்சியா் க.விஜயகாா்த்திகேயன் திங்கள்கிழமை உத்தரவிட்டாா்.