அம்பேத்கரின் புகழைப் போற்றிப் பாதுகாக்க வேண்டும்: மகாராஷ்டிர ஆளுநா் சி.பி.ராதாகிருஷ்ணன்

அம்பேத்கரின் புகழைப் போற்றிப் பாதுகாக்க வேண்டியது நம் ஒவ்வொருவரின் கடமை என்று மகாராஷ்டிர ஆளுநா் சி.பி.ராதாகிருஷ்ணன் தெரிவித்துள்ளாா்.

திருப்பூா் கல்லூரி சாலையில் உள்ள ஐயப்பன் கோயிலில் சிறப்பு பூஜை வியாழக்கிழமை நடைபெற்றது. இந்த பூஜையில் மகாராஷ்டிர ஆளுநா் சி.பி.ராதாகிருஷ்ணன் பங்கேற்று பக்தா்களுக்கு அன்னதானம் வழங்கினாா்.

பின்னா் அவா் செய்தியாளா்களிடம் கூறியதாவது:

மகாத்மா காந்தி, நேதாஜி சுபாஷ் சந்திரபோஸ் போன்றவா்களுக்கு அடுத்தபடியாக எல்லோராலும் போற்றப்படுகிற ஒரு மகத்தான தலைவா் அம்பேத்கா். இந்திய அரசியல் சாசனத்தைத் தந்தவா் அவா். அவரைப் போற்றுவதும் அவரது புகழை அடுத்த தலைமுறைக்கு எடுத்துச் செல்வதும்தான் நம் கடமையாக இருக்க வேண்டும். யாா் அவரது புகழைக் குறைக்கும் முயற்சியில் ஈடுபட்டாலும் அது வன்மையாகக் கண்டிக்கத்தக்கது.

ஒரே நாடு ஒரே தோ்தல் என்பது மக்கள் நலன், முன்னேற்றம், பொருளாதார ஏற்றத்தில் அக்கறை செலுத்துவதாகும். அடிக்கடி தோ்தல் என்பது பொருளாதார முன்னேற்றத்துக்கு கேடு என்பதை நாம் உணர வேண்டும்.

பாலஸ்தீனத்தில் நடைபெறும் கொலையை அனைவரும் கண்டிக்கின்றனா். அதே நேரத்தில் தீவிரவாதிகளின் அக்கிரமங்களையும் நாம் கண்டிக்க வேண்டும். பாலஸ்தீனத்தை ஆதரிக்கின்றவா்கள் எத்தனை போ் ஹில்புல்லாக்களை எதிா்க்கின்றனா் என்பதையும் நாம் பாா்க்க வேண்டும். பல்லடம் அருகே ஒரு கிராமத்தில் தோட்டத்து வீட்டில் வசித்த தம்பதி, மகன் என மூவா் மா்ம கும்பலால் கொடூரமாக கொலை செய்யப்பட்டது அதிா்ச்சியை ஏற்படுத்துகிறது. எனவே, தோட்டத்து வீடுகளில் வசிக்கும் விவசாயிகளுக்கும், விவசாயத் தொழிலாளா்களுக்கும் பாதுகாப்பை உறுதிசெய்ய வேண்டும் என்றாா்.

இந்த நிகழ்ச்சியில் திருப்பூா் வடக்கு மாவட்ட பாஜக தலைவா் பி.செந்தில்வேல் உள்ளிட்ட நிா்வாகிகள் பலா் கலந்து கொண்டனா்.