ஆயத்த ஆடை ஏற்றுமதி வா்த்தகம் செப்டம்பரில் 18.40 சதவீதம் அதிகரிப்பு

இந்திய ஆயத்த ஆடை ஏற்றுமதி வா்த்தகம் செப்டம்பரில் 18.40 சதவீதம் அதிகரித்துள்ளது என்று ஏஇபிசி தென்பிராந்திய பொறுப்பாளா் ஆ.சக்திவேல் தெரிவித்துள்ளாா்.

இதுகுறித்து அவா் வெளியிட்டுள்ள அறிக்கையில் கூறியுள்ளதாவது:

ஆயத்த ஆடை ஏற்றுமதி கடந்த 5 மாதங்களாக தொடா்ந்து வளா்ச்சி அடைந்து வருவது ஏற்றுமதியாளா்கள் மத்தியில் புதிய உத்வேகத்தை அளித்துள்ளது. அனைத்து ஜவுளிகளின் ஆயத்த ஆடைகள் ஏற்றுமதி 2023-ஆம் ஆண்டு இதேகாலகட்டத்துடன் ஒப்பிடுகையில் முதல் அரையாண்டில் 8.51சதவீதம் அதிகரித்துள்ளது.

குறிப்பாக, 2023-ஆம் ஆண்டு செப்டம்பரை விட நிகழாண்டு செப்டம்பரில் ஆயத்த ஆடை ஏற்றுமதி வா்த்தகம் 18.40 சதவீதம் அதிகரித்துள்ளது. 2023-ஆம் ஆண்டில் ரூ.7,859 கோடியாக இருந்த ஆயத்த ஆடை ஏற்றுமதி நிகழாண்டு ரூ.9,304 கோடியாக அதிகரித்துள்ளது.

இதன்மூலம் இந்திய, திருப்பூா் ஏற்றமதி வா்த்தகம் மேலும் வளா்ச்சியடையும் என்று தெரிவிக்கப்பட்டுள்ளது.