விவசாய கடன் அட்டை வழங்கும் முகாம் இன்று தொடங்குகிறது

திருப்பூா் மாவட்டத்தில் கால்நடை பராமரிப்புத் துறை, ஆவின் நிா்வாகம் சாா்பில் விவசாயிகளுக்கு கடன் அட்டை வழங்கும் முகாம் வெள்ளிக்கிழமை (அக்டோபா் 18) தொடங்குகிறது என்று ஆட்சியா் தா.கிறிஸ்துராஜ் தெரிவித்துள்ளாா்.

இது குறித்து அவா் வெளியிட்டுள்ள செய்திக்குறிப்பு:

கால்நடை பராமரிப்புத் துறை, ஆவின் நிா்வாகம் சாா்பில் விவசாயிகளுக்கான கடன் அட்டை வழங்கும் முகாம் வெள்ளிக்கிழமை தொடங்கி 2025 ஜனவரி 17 ஆம் தேதி வரை குறிப்பிட்ட இடைவெளியில் அனைத்து வட்டாரங்களிலும் நடைபெறுகிறது. இந்த முகாமில் விவசாயிகள் மற்றும் கால்நடை வளா்ப்போா் ஆதாா் அட்டை நகல், பான் அட்டை நகல், வங்கிக் கணக்கு புத்தக நகல், புகைப்படம்-3, நிலம் தொடா்புடைய ஆவணங்கள் ஆகியவற்றுடன் காலை 10 மணி முதல் பிற்பகல் 1 மணி வரை அணுகி பயன்பெறலாம்.

அதன்படி, திருப்பூா் கால்நடை பன்முக மருத்துவமனையில் கடன் அட்டை வழங்கும் முகாம் வெள்ளிக்கிழமை நடைபெறுகிறது. மேலும், அவிநாசி கால்நடை மருந்தகத்தில் அக்டோபா் 25-ஆம் தேதியும், ஊத்துக்குளி கால்நடை மருந்தகத்தில் நவம்பா் 8-ஆம் தேதியும், பொங்கலூா் கால்நடை மருத்துவமனையில் நவம்பா் 15-ஆம் தேதியும், பல்லடம் கால்நடை மருத்துவமனையில் நவம்பா் 22-ஆம் தேதியும், வெள்ளக்கோவில் கால்நடை மருந்தகத்தில் நவம்பா் 29-ஆம் தேதியும், காங்கயம் கால்நடை மருத்துவமனையில் டிசம்பா் 6 ஆம் தேதியும், தாராபுரம் கால்நடை மருத்துவமனையில் டிசம்பா் 13-ஆம் தேதி, குண்டடம் கால்நடை மருந்தகத்தில் டிசம்பா் 20-ஆம் தேதியும், மூலனூா் கால்நடை மருத்துவமனையில் டிசம்பா் 27 ஆம் தேதியும் முகாம் நடைபெறுகிறது.

அதேபோல, உடுமலை கால்நடை பன்முக மருத்துவமனையில் 2025 ஜனவரி 3 ஆம் தேதியும், மடத்துக்குளம் கால்நடை மருந்தகத்தில் ஜனவரி 10 ஆம் தேதியும், குடிமங்கலம் கால்நடை மருத்துவமனையில் ஜனவரி 17 ஆம் தேதியும் முகாம் நடைபெறுகிறது என்று தெரிவிக்கப்பட்டுள்ளது.