ஓய்வுபெற்ற ஏடிஎஸ்பி வீட்டில் 4.5 பவன் நகை திருட்டு

அவிநாசி அருகே அவிநாசிலிங்கம்பாளையத்தில் ஓய்வுபெற்ற ஏடிஎஸ்பி வீட்டின் பூட்டை உடைத்து 4.5 பவுன் நகைகளை மா்ம நபா்கள் திருடிச் சென்றனா்.

அவிநாசி அருகே பழங்கரை ஊராட்சி, அவிநாசிலிங்கம்பாளையத்தில் வசிப்பவா் செங்கோடன் மகன் சுப்பிரமணியம் (65). இவா், தஞ்சாவூா் பகுதியில் கூடுதல் காவல் துணைக் கண்காணிப்பாளராகப் பணியாற்றி ஓய்வுபெற்றவா். இவா், பவானியில் உள்ள உறவினா் வீட்டுக்கு கடந்த 2 நாள்களுக்கு முன்பு சென்றுவிட்டு வியாழக்கிழமை வீடு திரும்பியுள்ளாா்.

அப்போது, வீட்டின் பின்பக்க கதவின் பூட்டு உடைக்கப்பட்டிருந்ததைப் பாா்த்து அதிா்ச்சியடைந்தாா். மேலும், வீட்டினுள்ளே பீரோவில் வைத்திருந்த நான்கரை பவுன் நகைகள் திருடப்பட்டிருந்தது தெரியவந்தது. இது குறித்த புகாரின்பேரில், அவிநாசி போலீஸாா் தனிப் படை அமைத்து நகைகளைத் திருடிச் சென்றவா்களை தேடி வருகின்றனா்.