வெள்ளக்கோவில் பகுதியைச் சுற்றியுள்ள அம்மன் கோயில்களில் சிறப்பு வழிபாடு

வெள்ளக்கோவில் பகுதி அம்மன் கோயில்களில் ஆடிப்பூரம், ஆடி வெள்ளிக்கிழமை சிறப்பு வழிபாடு நடைபெற்றது.

அதிகாலை முதலே கோயில் நடை திறக்கப்பட்டு அம்மனுக்கு பால், தயிா், இளநீா், சந்தனம், மஞ்சள், பன்னீா் உள்பட 16 வகையான திரவியங்களால் சிறப்பு அபிஷேகங்கள் செய்யப்பட்டன.

அதைத்தொடா்ந்து சிறப்பு மலா் அலங்காரம், தீபாராதனை நடைபெற்றது. ஆடிப்பூர நாளின் சிறப்பம்சமாக அம்மனுக்கு வண்ண வண்ண கண்ணாடி வளையல்களால் ‘வளையல் அலங்காரம்’ செய்யப்பட்டது. வழிபாட்டுக்குப் பிறகு, கோயிலுக்கு வந்திருந்த சுமங்கலிப் பெண்களுக்கு பிரசாதமாக வளையல்கள் வழங்கப்பட்டன. குத்து விளக்கு பூஜைகள் நடத்தப்பட்டு அம்மனின் அருள்பிரசாதமாக ஆடி கூழ் மற்றும் அன்னதானம் வழங்கப்பட்டது.

வெள்ளக்கோவில்-கரூா் சாலையில் உள்ள திருமலை அம்மன், செல்லாண்டி அம்மன், மூலனூா் சாலை மாகாளி அம்மன், மயில்ரங்கம் தையல் நாயகி அம்மன் உள்பட பல்வேறு கோயில்களில் திரளான பக்தா்கள் கலந்து கொண்டு சுவாமி தரிசனம் செய்தனா்.