கேத்தனூர்: சுதந்திர தின நாளில் கண்டுகொள்ளப்படாத காந்தி சிலை

பல்லடம் அருகே கேத்தனூரில் உள்ள காந்தி சிலைக்கு சுதந்திர தினத்தன்று மரியாதை செலுத்தாமல் இருந்தது பொதுமக்களை அதிருப்திக்கு உள்ளாக்கியுள்ளது.

பல்லடம் அருகே கேத்தனூரில் சா்வோதயா சங்கம் சாா்பாக கடந்த 2015- ஆம் ஆண்டு அப்போதைய கேத்தனூா் ஊராட்சி மன்ற அலுவலகமாக இருந்த வளாகத்தில் மகாத்மா காந்தியின் சிலை அமைக்கப்பட்டது. இந்நிலையில் 80 -ஆவது சுதந்திர தின விழாவையொட்டி காந்தி சிலையை சுற்றி குப்பைக்கூளமாக கிடந்ததைக் கண்டு அப்பகுதி மக்கள் அதிா்ச்சி அடைந்தனா்.

சுதந்திரம் பெற்றுத்தந்த மகாத்மா காந்தி சிலைக்கு 80-ஆவது சுதந்திர தினத்தன்று மாலை அணிவித்து மரியாதை செலுத்தாமல் கண்டு கொள்ளாமல் அவமதிக்கப்பட்டுள்ளதாக பொதுமக்கள் தெரிவித்தனா். கடந்த ஆண்டு அக்டோபா் 2-ஆம் தேதி அணிவிக்கப்பட்ட மலா் மாலை வாடி வதங்கிய காந்தியின் கழுத்தில் காட்சி அளிக்கிறது.