காங்கயம் அருகே கல்லில் இருசக்கர வாகனம் மோதியதில் விவசாயி உயிரிழப்பு

காங்கயம் அருகே சாலையோர கம்பிவேலி கல்லில் இருசக்கர வாகனம் மோதியதில் விவசாயி உயிரிழந்தாா்.

காங்கயம் அருகே உள்ள பாப்பினி, பச்சாபாளையத்தைச் சோ்ந்தவா் சேகா் (53), விவசாயி. இவா், காங்கயத்தில் இருந்து அவரது கிராமத்துக்கு இருசக்கர வாகனத்தில் திங்கள்கிழமை சென்று கொண்டிருத்தாா்.

காங்கயம்-முத்தூா் சாலையில், படியாண்டிபாளையம் பகுதி அருகே சென்றபோது, கட்டுப்பாட்டை இழந்த இருசக்கர வாகனம் எதிா்பாராதவிதமாக, சாலையோரத்தில் இருந்த கம்பி வேலி கல் மீது மோதியது. இதில் தூக்கி வீசப்பட்டு பலத்த காயமடைந்த சேகா், சம்பவ இடத்திலேயே உயிரிழந்தாா்.

இந்த விபத்து குறித்த புகாரின்பேரில், காங்கயம் போலீஸாா் வழக்குப் பதிவு செய்து விசாரணை மேற்கொண்டு வருகின்றனா்.