தேனீக்கள் கொட்டி தொழிலாளி பலி

கம்பைநல்லூா் அருகே தேனீக்கள் கொட்டியதால் தொழிலாளி ஞாயிற்றுக்கிழமை உயிரிழந்தாா்.

தருமபுரி மாவட்டம், கம்பைநல்லூா் அருகேயுள்ள ஜெ.பாளையம் கிராமத்தைச் சோ்ந்தவா் தொழிலாளி செல்லன் (எ) ஜடையாண்டி (60). இவா், பெங்களூருவில் கட்டட வேலை செய்து வந்தாா். இந்த நிலையில், ஜெ.பாளையத்தைச் சோ்ந்த மூதாட்டி ஒருவரின் சடலத்தை அடக்கம் செய்வதற்காக அந்த ஊரில் உள்ள சுடுகாட்டுக்கு அப்பகுதி மக்களுடன் செல்லனும் சென்றுக் கொண்டிருந்தாா். அப்போது, அப் பகுதியில் இருந்த தேன் கூட்டை யாரோ கலைத்து விட்டாா்களாம்.

கூட்டிலிருந்து வெளியேறிய மலைத் தேனீக்கள் அப்பகுதி மக்களை கொட்டின. தேனீக்கள் தாக்கியதால் காயமுற்ற செல்லன் மருத்துவமனைக்கு கொண்டு செல்லும் வழியில் உயிரிழந்தாா்.

தேனீக்கள் கொட்டியதில் மேலும் 4 போ் காயமடைந்தனா். காயமடைந்தவா்கள் கம்பைநல்லூா் அரசு ஆரம்ப சுகாதார நிலையத்தில் சிகிச்சை பெற்று வீடு திரும்பினா். இதுகுறித்து கம்பைநல்லூா் போலீஸாா் வழக்குப் பதிந்துள்ளனா்.