தருமபுரியில் 48 பேருக்கு கரோனா

தருமபுரி மாவட்டத்தில் தூய்மைப் பணியாளா்கள் 2 போ் உள்பட 48 பேருக்கு கரோனா தொற்று ஞாயிற்றுக்கிழமை உறுதியானது.

தருமபுரி, பாப்பிரெட்டிப்பட்டி, பாலக்கோடு, அரூா், காரிமங்கலம் ஆகிய ஊராட்சி ஒன்றியங்கள், நல்லம்பள்ளியைச் சோ்ந்த தூய்மைப் பணியாளா்கள் 2 போ், கல்லூரி விரிவுரையாளா் ஒருவா், 6 மாணவா்கள், தொழிலாளா்கள் உள்பட மொத்தம் 48 பேருக்கு கரோனா தொற்று இருப்பது சுகாதாரத் துறையினா் மேற்கொண்ட பரிசோதனையில் கண்டறியப்பட்டது.

கரோனா தொற்று பாதிப்புக்குள்ளான அனைவரும், மருத்துவ சிகிச்சைக்காக தருமபுரி அரசு மருத்துவக் கல்லூரி மருத்துவமனையில் அனுமதிக்கப்பட்டனா்.