வனப் பகுதியில் ஆக்கிரமிப்பு வீடுகள் அகற்றம்

தருமபுரி மாவட்டம், பாலக்கோடு அருகே வனப் பகுதியை ஆக்கிரமித்து கட்டப்பட்ட இரண்டு வீடுகள் இடித்து அகற்றப்பட்டன.

பாலக்கோடு அடுத்த பிக்கனஅள்ளி காப்புக் காட்டில் முத்தாலம்மன் பள்ளம் பகுதியில் வனத் துறைக்குச் சொந்தமான இடத்தில் அதேபகுதியைச் சோ்ந்த சின்னசாமி (60 ), கோவிந்தராஜ் (55) ஆகியோா் வீடு கட்டியுள்ளனா். கோவிந்தராஜ் தனது வீட்டில் ஆழ்துளைக் கிணறு அமைத்து அதற்கு மின் இணைப்பு கோரியுள்ளாா். அவருக்கு மின் இணைப்பு வழங்கக் கூடாது என உயா் நீதிமன்றத்தில் சின்னசாமி வழக்குத் தொடுத்தாா்.

இந்த நிலையில், இருவரது வீடுகளும் வனத் துறைக்குச் சொந்தமான இடத்தில் ஆக்கிரமித்து கட்டியுள்ளது தெரிய வந்தது. இதையடுத்து, இருவரின் வீடுகளையும் அகற்ற நீதிமன்றம் உத்தரவிட்டது.

உயா் நீதிமன்ற உத்தரவின் பேரில், வனச்சரகா் செல்வம், காவல் துணைக் கண்காணிப்பாளா் தினகரன், வட்டாட்சியா் அசோக்குமாா் ஆகியோா் முன்னிலையில் வனத் துறையினா் பொக்லைன் இயந்திரத்தின் உதவியுடன் இருவரது வீடுகளையும் அகற்றினா்.