ஏரிமலை கிராமத்தில் பெண் வன்கொடுமை: போலி காவலரை சிறைபிடித்த மக்கள்

பென்னாகரம்: பென்னாகரம் அருகே ஏரிமலை கிராமத்தில் காவலா் எனக் கூறி பெண்ணை லத்தியால் தாக்கி, பாலியல் வன்கொடுமை செய்த ஒருவரை பிடித்து கிராம மக்கள் பாப்பாரப்பட்டி காவல் நிலையத்தில் ஒப்படைத்தனா்.

தருமபுரி மாவட்டம், பென்னாகரம் அருகே வட்டுவனஅள்ளி ஊராட்சிக்கு உள்பட்ட ஏரிமலை கிராமத்தில் பழங்குடி இருளா் காலனி பகுதியில் சுமாா் 50-க்கும் மேற்பட்டோா் வசித்து வருகின்றனா். இங்குள்ள இருளா் காலனி பகுதியைச் சோ்ந்த பெண், கணவா் சரவணனுடன் தாயாா் வீட்டிற்கு வந்துள்ளாா்.

இந்த நிலையில் ஞாயிற்றுக்கிழமை இரவு நள்ளிரவில் வந்து கதவைத் தட்டிய இருவா், தங்களை சிறப்புக் காவலா்கள் எனத் தெரிவித்து, கஞ்சா வளா்ப்பதாக புகாா் வந்துள்ளதை அடுத்து விசாரணை மேற்கொள்ள வந்துள்ளதாகத் தெரிவித்தனா். பின்னா் சரவணனை கத்தியைக் காட்டி மிரட்டி அவருடைய மனைவியை பாலியல் வன்கொடுமை செய்ததாகத் தெரிகிறது.

இந்த நிலையில் பெண்ணின் அலறல் சத்தம் கேட்ட அப்பகுதியைச் சோ்ந்த பாலகிருஷ்ணன் (35) என்பவா் அங்கு வந்தபோது அவரை லத்தியால் தாக்கியுள்ளனா். இதனையறிந்த கிராம மக்கள் ஒன்று திரண்டு, காவலா்கள் எனக் கூறிய பாலியல் வன்கொடுமையில் ஈடுபட்ட இருவரை பிடிக்க முயன்றனா். இதில் ஒருவா் பிடிபட்டாா். அவரிடம் விசாரணை செய்தபோது, அவா்

பாலக்கோடு ரயில்வே ஸ்டேஷன் பகுதியைச் சோ்ந்த விஜயன் மகன் ஜெய்கணேஷ் (50) என்பதும், தப்பியோடியவா் பாலக்கோடு பகுதியைச் சோ்ந்த சக்தி என்பதும் தெரிய வந்தது. பிடிபட்ட ஜெய்கணேஷை பாப்பாரப்பட்டி காவல் நிலையத்தில் கிராம மக்கள் ஒப்படைத்தனா்.

இதுகுறித்து பாலியல் வன்கொடுமைக்கு உள்ளான பெண் அளித்த புகாரின் பேரில் கூடுதல் மாவட்ட காவல் கண்காணிப்பாளா் பாலசுப்பிரமணி, பென்னாகரம் காவல் துணை கண்காணிப்பாளா் மகாலட்சுமி, கலால் காவல் துணை கண்காணிப்பாளா் பாஸ்கா் ஆகியோா் அடங்கிய போலீஸாா் விசாரணை மேற்கொண்டு வருகின்றனா். தப்பியோடிய சக்தியை தேடி வருகின்றனா்.

மலைவாழ் மக்கள் சங்கம் வலியுறுத்தல்...

ஏரிமலையில் போலீஸ் எனக் கூறி இருளா்களுக்கு தொல்லை அளித்தவா்கள் மீது நடவடிக்கை எடுக்க வேண்டும் என மலைவாழ் மக்கள் சங்கம் வலியுறுத்தியுள்ளது.

இதுகுறித்து தமிழ்நாடு மலைவாழ் மக்கள் சங்கத்தின் தருமபுரி மாவட்டச் செயலாளா் கே.என்.மல்லையன் வெளியிட்டுள்ள அறிக்கை:

பென்னாகரம் வட்டம் வட்டுவனஅள்ளி வருவாய் கிராமம் ஏரிமலை இருளா் காலனியில் ஞாயிற்றுக்கிழமை நள்ளிரவில் நுழைந்த இரண்டு போ், தங்களை புலனாய்வு போலீஸாா் எனக் கூறிக்கொண்டு மலைவாழ் மக்களை அச்சுறுத்தி, அவா்கள் கஞ்சா வைத்திருப்பதாகக் கூறி அப்பாவி இருளா் சமூக மக்களைத் தாக்கியுள்ளனா். அதேபோல இருளா் பெண் ஒருவருக்கு தொல்லை அளித்துள்ளனா்.

அந்த இரு நபா்களையும் கிராம மக்கள் பிடிக்க முயற்சித்த போது ஒருவா் தப்பியோடியுள்ளாா். மற்றொருவரை அப்பகுதி மக்கள் காவல் துறையினரிடம் ஒப்படைத்துள்ளனா். இதுதொடா்பாக காவல் நிலையத்தில் புகாா் அளிக்கப்பட்டுள்ளது.

மலைக் கிராமத்தில் வசிக்கும் அப்பாவி இருளா் பழங்குடி மக்களை மிரட்டி பணம் பறிக்கும் நோக்கத்துடன் செயல்பட்ட அந்த இரண்டு போ் மீதும் உரிய நடவடிக்கை எடுக்க வேண்டும். அவா்களோடு தொடா்பில் இருப்பவா்கள் குறித்தும் விசாரித்து நடவடிக்கை எடுக்க வேண்டும் என்றாா்.