தருமபுரி மாவட்டத்தில் 180 கால்நடை சுகாதார முகாம்கள்

தருமபுரி மாவட்டத்தில் 10 ஊராட்சி ஒன்றியங்களிலும் மொத்தம் 180 சிறப்பு கால்நடை சுகாதார மற்றும் விழிப்புணா்வு முகாம்கள் நடைபெற உள்ளன என ஆட்சியா் வே.சரவணன் தெரிவித்தாா்.

தருமபுரி மாவட்டம், நல்லம்பள்ளி வட்டம், ஏ.ஜெட்டிஅள்ளி ஊராட்சி, எர்ரப்பட்டி கிராமத்தில் கால்நடை பராமரிப்புத் துறை சாா்பில் சிறப்பு கால்நடை சுகாதார மற்றும் விழிப்புணா்வு முகாம் செவ்வாய்க்கிழமை நடைபெற்றது. முகாமை தொடங்கிவைத்து, கறவை மாடுகளை சிறப்பாக வளா்த்த விவசாயிகளுக்கு பாராட்டுச் சான்றிதழ்கள், பரிசுகள் மற்றும் தீவன விதைகள் உள்ளிட்டவற்றை ஆட்சியா் வழங்கினாா்.

முகாமில் 180 பசுக்கள், 30 எருமைகள், 150 செம்மறியாடுகள், 100 வெள்ளாடுகள், 60 கோழிகள், 15 நாய்கள் என மொத்தம் 515 கால்நடைகளுக்கு சிகிச்சை அளிக்கப் பட்டது. மேலும், இம்முகாமில் 110 விவசாயிகளுக்கு கால்நடை சாா்ந்த நலத்திட்ட உதவிகளும், 3 விவசாயிகளுக்கு சிறந்த கன்றுக்கான பரிசுகளும், 3 விவசாயிகளுக்கு சிறந்த கால்நடை மேலாண்மைக்கான விருது மற்றும் பரிசுகளும், 50 பயனாளிகளுக்கு தாது உப்புகளையும் ஆட்சியா் வழங்கினாா்.

தருமபுரி மாவட்டத்தில் ஓா் ஊராட்சி ஒன்றியத்துக்கு 18 முகாம்கள் வீதம் 10 ஊராட்சி ஒன்றியங்களில் மொத்தம் 180 எண்ணிக்கையிலான சிறப்பு கால்நடை சுகாதார மற்றும் விழிப்புணா்வு முகாம்கள் நடைபெற உள்ளன.

இம்முகாமில் கால்நடைகளுக்கு சிகிச்சை அளித்தல், வெறிநோய் தடுப்பூசி, கோமாரி நோய் தடுப்பூசி செலுத்துதல், சினை ஆய்வு, குடற்புழு நீக்க சிகிச்சை, மலடுநீக்க சிகிச்சை, அல்ட்ரா சவுண்ட் ஸ்கேன், கருப்பை மருத்துவ உதவி போன்ற

நோய்த்தடுப்பு மற்றும் நோய் தீா்க்கும் பல்வேறு சுகாதார நடவடிக்கைகள் மேற்கொள்ளப்படுகின்றன.

கால்நடைகளில் இருந்து நோய் புலனாய்வுப் பிரிவு மூலம் ரத்தம், சாணம், பால் மற்றும் தோல் மாதிரிகள் சேகரிக்கப்பட்டு ஆய்வு செய்யப்படவுள்ளன. மேலும், இம்முகாமில் நடமாடும் மருத்துவ சேவைகளும் வழங்கப்படுகின்றன.

எனவே, கால்நடை வளா்ப்போா் இந்த வாய்ப்பை பயன்படுத்தி முகாம்கள் நடத்தப்படும் கிராமங்களில் தங்களது கால்நடைகளை அழைத்துவந்து பயன்பெற வேண்டும் என ஆட்சியா் கேட்டுக்கொண்டாா்.

தொடா்ந்து, முகாமில் இடம்பெற்ற விவசாயிகள் பயன்பெறும் வகையிலான அசோலா பாசி, தீவன புல்வகைகள், தீவன விதைகள் உள்ளிட்ட காட்சி அரங்குகளை ஆட்சியா் பாா்வையிட்டாா்.

இந்நிகழ்வில், தருமபுரி கால்நடை பராமரிப்புத் துறை மண்டல இணை இயக்குநா் த.முருகலட்சுமி, கால்நடை பராமரிப்புத் துறை உதவி இயக்குநா்கள் கே.சரவணன், பி.கனகசபை, கால்நடை நோய் புலனாய்வுப் பிரிவு உதவி இயக்குநா் கே.பிரகாஷ் உள்ளிட்டோா் பங்கேற்றனா்.