தாய்ப்பால் வார விழிப்புணர்வுப் பேரணி

உலக தாய்ப்பால் வாரத்தை முன்னிட்டு ஒசூர் தேன்கனிக்கோட்டை சாலையில் உள்ள குணம் மருத்துவமனை சார்பில் விழிப்புணர்வுப் பேரணி புதன்கிழமை நடைபெற்றது.
பேரணியை குழந்தைகள் மருத்துவர் கவிதா கொடியசைத்துத் தொடக்கி வைத்தார். பேரணியில் மருத்துவர்கள், செவிலியர்கள், மருத்துவமனை பணியாளர்கள் கலந்து கொண்டனர். 
தாய்ப்பாலில் குழந்தைக்குத் தேவையான அனைத்து சத்துகள் நிறைந்துள்ளது. நோய் எதிர்ப்பு சக்தி அதிகம் உள்ளது. தாய்ப்பால் மூளை வளர்ச்சியை அதிகரிக்கும். புற்றுநோய் வருவதைத் தடுக்கும். குழந்தைகளைத் தாக்கும் முடக்குவாதம் நோயைத் தடுக்கும் போன்ற வாசகங்கள் அடங்கிய பதாகைகளை செவிலியர்கள் கையில் ஏந்திச் சென்றனர். பேரணி ஒசூர் தேன்கனிக்கோட்டை சாலை, காந்தி சாலை, வட்டாட்சியர் அலுவலக சாலை உள்ளிட்ட நகரின் முக்கிய சாலைகள் வழியாகச் சென்று ஒசூர் சார் ஆட்சியர் அலுவலகம் எதிரில் நிறைவடைந்தது.
ஊத்தங்கரையில்
தாண்டியப்பனூர் கிராமத்தில் உள்ள அரசு துணை சுகாதார நிலையத்தில் தாய்ப்பால் வார விழா நடைபெற்றது.
நிகழ்ச்சியில் கிராம சுகாதாரச் செவிலியர் கலைச்செல்வி தாய்ப்பால் கொடுப்பதினால் ஏற்படும் நன்மைகள் குறித்து தாய்மார்களுக்கு விளக்கமளித்தார்.