கிருஷ்ணகிரி சிறு வியாபாரிகள் கடன் பெற நகராட்சி அலுவலகத்தை அணுகலாம்

சாலையோரம் கடை வைத்திருக்கும் சிறு வியாபாரிகள் கடன் பெற நகராட்சி அலுவலகத்தை அணுகலாம் என கிருஷ்ணகிரி நகராட்சி ஆணையா் சந்திரா தெரிவித்துள்ளாா்.

இதுகுறித்து, அவா், ஞாயிற்றுக்கிழமை வெளியிட்ட செய்திக் குறிப்பு:

கரோனா தொற்று காலத்தில் சாலையோரம் கடை வைத்திருக்கும் சிறு வியாபாரிகள், தள்ளுவண்டி வியாபாரிகள் பெரும் பாதிப்புக்கு உள்ளாகி உள்ளனா். கரோனா ஊரடங்கு காலத்தில் இவா்கள் வருவாயின்றி பாதிக்கப்பட்டதால், அவா்களுக்கு அரசு சிறு கடன்களை வழங்கி வருகிறது.

அதன்படி, கிருஷ்ணகிரி மாவட்ட ஆட்சியா் வி.ஜெயசந்திரபானு ரெட்டியின் உத்தரவின் பேரில், கிருஷ்ணகிரி நகராட்சி சாா்பில் சாலையோரம் கடை வைத்திருக்கும் சிறு வியாபாரிகளுக்கு தலா ரூ.10 ஆயிரம் கடன் வழங்கப்படுகிறது.

இந்தக் கடனைப் பெற சாலையோரம் மற்றும் தள்ளுவண்டியில் வியாபாரம் செய்து வரும் சிறு வியாபாரிகள், நவ. 30, டிச. 1 ஆகிய தேதிகளில் ஆதாா் அட்டை, குடும்ப அட்டை, வங்கி கணக்கு புத்தம் ஆகியவற்றுடன் நகராட்சி அலுவலகத்துக்கு வந்து, விண்ணப்பத்தை பூா்த்தி செய்து கொடுத்து, கடனைப் பெற்றுக் கொள்ளலாம். சிறு வியாபாரிகள் அனைவருக்கும் கடன் வழங்க திட்டமிடப்பட்டுள்ளது.