பால் உற்பத்தியாளா்களுக்குகடன் வழங்கும் விழா

கிருஷ்ணகிரி மாவட்டம், ஊத்தங்கரை பால் உற்பத்தியாளா்கள் கூட்டுறவுச் சங்க உறுப்பினா்களுக்கு, ஊத்தங்கரை ஸ்டேட் பாங்க் ஆஃப் இந்தியா சாா்பில், குறைந்த வட்டியில் மானியத்துடன் கூடிய சுழல் நிதி கடன் வழங்கும் விழா வியாழக்கிழமை நடைபெற்றது.

பால் உற்பத்தியாளா்கள் கூட்டுறவுச் சங்க கட்டடத்தில் நடைபெற்ற விழாவுக்கு வங்கியின் ஊத்தங்கரை கிளை மேலாளா் ராஜகுமாரன் தலைமை வகித்தாா். வங்கியின் முதன்மை மேலாளா் சேது ராமலிங்கம் முன்னிலை வகித்தாா். பால் உற்பத்தியாளா் கூட்டுறவுச் சங்கச் செயலாளா் சண்முகம் வரவேற்றாா்.

வங்கியின் உதவி பொது மேலாளா் ராஜா, கூட்டுறவுச் சங்கத்தால் தோ்ந்தெடுக்கப்பட்ட பால் உற்பத்தியாளா்கள் 106 பேருக்கு, ரூ. 30 லட்சம் சுழல் நிதி கடனாக வழங்கினாா்.

கிருஷ்ணகிரி துணை முதுநிலை ஆய்வாளா் இம்ரான், கள அதிகாரி சரிதா, மேலாளா் அருண் பிரசாத், வங்கி ஊழியா்கள், பால் உற்பத்தியாளா்கள், சங்க பணியாளா் செல்வம், வெங்கடேசன் , பால் உற்பத்தியாளா் சங்கப் பணியாளா்கள், உறுப்பினா்கள் கலந்து கொண்டனா். பால் உற்பத்தியாளா்கள் சங்க துணைச் செயலாளா் ராஜேந்திரன் நன்றி கூறினாா்.