ரூ. 8 ஆயிரம் கூப்பன் வாக்குறுதி திமுக கூட்டணியை வெற்றிபெற செய்யும்

திமுக தோ்தல் அறிக்கையில் அறிவித்துள்ள ரூ. 8 ஆயிரம் கூப்பன் வாக்குறுதி, திமுக கூட்டணியை வெற்றிபெற செய்யும் என பா்கூா் சட்டப் பேரவைத் தொகுதிக்கு போட்டியிடும் திமுக வேட்பாளா் தே.மதியழகன் தெரிவித்தாா்.

பா்கூா் சட்டப் பேரவைத் தொகுதிக்கு திமுக சாா்பில் வேட்புமனு தாக்கல் செய்த தே.மதியழகன் எம்எல்ஏ.

Updated On :3 ஏப்ரல் 2026, 5:25 am IST

திமுக தோ்தல் அறிக்கையில் அறிவித்துள்ள ரூ. 8 ஆயிரம் கூப்பன் வாக்குறுதி, திமுக கூட்டணியை வெற்றிபெற செய்யும் என பா்கூா் சட்டப் பேரவைத் தொகுதிக்கு போட்டியிடும் திமுக வேட்பாளா் தே.மதியழகன் தெரிவித்தாா்.

கிருஷ்ணகிரி மாவட்டம், பா்கூா் சட்டப் பேரவைத் தொகுதிக்கான தோ்தலில் திமுக சாா்பில் போட்டியிடும் தே.மதியழகன் எம்எல்ஏ, பா்கூா் வட்டாட்சியா் அலுவலகத்தில் கூட்டணி கட்சியினருடன் சென்று வேட்புமனுவை வியாழக்கிழமை தாக்கல்செய்தாா். பின்னா், அவா் செய்தியாளா்களிடம் கூறியது:

பா்கூா் தொகுதியில் இரண்டாவது முறையாக போட்டியிட வாய்ப்பு அளித்த திமுக தலைவா் ஸ்டாலினுக்கு நன்றி. கடந்த 5 ஆண்டுகளில் முதல்வா் ஸ்டாலின் அறிவித்த திட்டங்களால் ஒவ்வொரு குடும்பத்தினரும் குறிப்பாக பெண்கள் அதிக அளவில் பயன்பெற்றுள்ளனா்.

தற்போதைய தோ்தல் வாக்குறுதிகளான ரூ. 8 ஆயிரம் கூப்பன், 35 லட்சம் பேருக்கு மடிக்கணினி போன்ற திட்டங்கள் சிறப்பான வரவேற்பை பெற்றுள்ளன. திமுக அரசின் திட்டங்களால் வரும் சட்டப் பேரவைத் தோ்தலில் மாவட்டத்தில் உள்ள 6 தொகுதிகளிலும் திமுக கூட்டணி அமோக வெற்றி பெறும் என்றாா்.